Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Armco FX هي شركة وساطة واستثمار عالمية مرخصة ومتخصصة في أسواق المال العالمية.
العسل الحر


المنتدى العام يمكنكم في هذا القسم المشاركة في كافة المواضيع التي تهم التعليم وغيره

موضوع مغلق
يبه شلونك ؟
قديم منذ /16-01-2007, 09:12 PM   #1 (permalink)

عضو مميز

- ممكن - غير متواجد حالياً

 رقم العضوية : 18512
 تاريخ التسجيل : Aug 2003
 المشاركات : 379
 النقاط : - ممكن - is on a distinguished road

افتراضي يبه شلونك ؟

_________

يبه شلونك ..

نقره لعرض الصورة في صفحة مستقلة


يبه شلونك ..

ملل هالــكــون من دونك ..

يبه شلونك ؟

وتمضي رحلة الدنيا ..

بليا طلة عيونك !

يبه شلونك ؟

وشلون المرض وياك ؟

بعد ما هدك بدنياك ..

عساها تغمض جفونك ؟

___

تبي تدري عن احبابك ؟

عن عيون تغنا بك ؟

عن قلوب دفنها الشوق ..

واذا جاها الغفا جابك ؟

___

يبه ..

امي تخيلك دوم ..

تغني لك مع القمرا ..

يبه واللي خذاك بيوم ..

خذا بنيتك بكرا ..

خذا ..

ويا ماخذا ..

وياما خذا .. ناس يحبونك ..

___

يبه ..

حنا صرنا كبار ..

توفقنا وتخرجنا ..

يبه ما عاد فيه صغار ..

يموج بها الزمن كل شي ..

وحنا ما تموجنا ..

على ذاك العهد نسري ..

نبيع العمر والدنيا ..

ولا تخلف بنا ظنونك ..


____


يبه شلونك ؟

تبي تدري عن اخباري ؟

عن افكاري وتذكاري ؟

اشيلك داخلي جمره ..

وبعيون الحزن عبره ..

تغرقني ..

وتحرقني ..

اشوفك نجمة تجبر ..

مراعيها ..

يراعيها ..

واشوفك للرجوله اسم ..

اذا شد الزمن تقسى ..

واحلم من معاني الحلم ..

احسك مقبل بكرى..

وعيا لا يجي بكرى !!

____

يبه ..

تذكر زمان مر ؟

يبه تذكر مجالسنا ؟

مقلطنا ومجلسنا ؟

وحارتنا ومسجدنا ؟

يبه تذكر هدايا العيد ؟

صلاة العيد ؟

وبشت العيد ؟

يبه تذكر سوالفنا ؟

لاجل هذا ..

وكل هذا ..

اقول اليوم يايبــه ..

ملل هالكون من دونك ..


_____


يبه وينك ؟

ولهت لنظره من عينك ..

يبه وينك ؟

اشوفه طوّل غيابك !

ومن ودّاك ..

ما جابك !

قالوا ما يدوم الزين !

وانا عندي امل للحين ..

ولكني اعرفك وين !


____


يبه وينك ؟

عسى الداعي يبه بس خير !

عساك بخير ..

مداين تكرم لعينك ..

بس ارجوك علمني ..

علمني ..

يبه وينك ؟

سألت امي عن رجوعك ..

ولكني اعرفك وين !

وقالت ..

ما يدوم الزين !

وانا ..

عندي امل للحين ..

في رجوعك !

يبه بس تكفى علمني ..

متى رجوعك ؟

يبه بس تكفى علمني ..

وش احلى من طلوع اثنين ؟

طلوع الشمس ..

وطلوعك ..


____


يبه وينك ؟

سألت امي .. غيابك طال ؟

ولكنّي اعرفك وين !

وقالت مثل ما قالت ..

حسافه .. ما يدوم الزين ..

مع كل هذا صدقني ..

انا عندي أمل للحين !

سؤالي عنك يا لوالد ..

صار كما الموال ..

واشوفه طال .. والله طال ..

حزين ..

بلحنه وحروفه ..

يخاف .. يموت من خوفه ..

و قلب ٍ كان اقوى قلب ..

ضعف .. من قسوة ظروفه ..


_____


يبه ..

ارجوك علمني ...

تشوف اللي انا اشوفه ؟

انا اشوفك نهار و ليل ..

في وسط المجلس تصلي ..

وتدعي الرب ييسر لي ..

يبه ..

ما عاد بي من حيل ..

وين الحيل ؟

وانا اشوفك نهار و ليل ..

مع اني ادري ما ترجع !

غريبه ..

بعدها تدمع ..

عيوني من هموم البين !

وادريبه مكانك وين !

مع َ هذا ..

ارد و اسأل !

يبه .. وينك ؟

ولكني اعرفك وين !


_____


شبكت العشر في غيابك ..

على راس ٍ كساه الشيب ..

ومن وداك .. ما جابك ..

ولا ادري وش يخبي الغيب !

وجرح ٍ عذّب احبابك ..

يبه ..عيّا يخف و يطيب !

يبه..

كل جرح في الدنيا ..

مصيره بالدوا يلتم ..

ولكن البلا من جرح ..

نزف فرقاك ... بليّا دم !

وهذا الفرق في جرحي ..

عجز يلقا الدوا دكتور ..

انا جرحي غريب الطور !

ينزف ..

بس بليّا دم ..

وزاد الهم فوق الهم ..

ودام انك يبه غايب ..

جروح الغيبه ما تـلتم ..

بس عندي امل للحين !

ولكنّي اعرفك وين !


_____


يبه ..

ذكراك تفرحني ..

في نفس الوقت تجرحني !

لا من جبت في طاريك ..

دموعي غصب تفضحني ..


_____


يبه ..

تذكر ليالي الصيف ؟

عرس الحي .. ورقص السيف ؟

وكرم قلبك معَ هـالناس ..

كل ٍ كان في بيتك ضيف ..

ألا يا حيف ...

ألا يا حيف ..

زمن قاسي ..

زمن قاسي ..

اخذ مني بلا رحمه ..

اخذ مني اعز ناسي !

وخلاّ لي سهر هالليل ..

في عيني ضيف ..

ألا يا حيف !


_____



يبه وينك ؟

تعال و شوف ..

كبرنا مثل ما تمنيت ..

درسنا كل ما حبيت ..

نصلي مثل ما وصيت ..

وندعي لك في كل ظروف ..


_____


يبه وينك ؟

تعال و شوف ..

صحيح الدنيا ما ترحم ..

تجرعنا التعب أنواع ..

ولكن الأمل ما ضاع ..

وأنا عندي أمل للحين !

ولكني أعرفك وين !


____


يبه ..

تذكر شطانـتـنا ؟

أنا واخواني واخواتي ..

معانا عيال حارتنا ..

نلعب في زوايا البيت ..

يبه ..

والله انا حنيت ..

لذاك الوقت في وجودك ...

الا يا ريت ... الا يا ريت ...

ترجع .. يا يبه حنيت ..

حسافه الدنيا ما ترحم ..

خذت منا سعادتنا ..

خذتك بعيد .. وخلتنا !


____


يبه ..

أمي تذّكرنا ..

بأيامك قبل ما تروح ..

تناديها..

يا روح الروح ..

تغازلها و تنظر لك ..

مثل طفله ..

ملامحها عشق مفضوح ..

في ذاك الوقت ..

كنا صغار ..

معَ هذا ..

كنا نغار ..

عليها .. أو بعد منها ...

كنا نغار نحبك ..


_____



يا يبه ..

ارجع ..

مثل شمس الفجر ..

تطلع حزينه الشمس في غيابك ..

و نفس الحزن في احبابك ..

واخاف الشمس من حزني ..

تغيب و ما بعد تطلع !

يبه ..

ارجع !

اذا لي خاطر فـ قلبك ..

تعال و زورنا بس يوم ..

مع انه ما يكفينا ..

نشوفك يوم ..

نبي حضنك يدفينا ..

ونشوفك دوم ..

لكن قلّت الحيله ..

ويمكن مـ البطا ضاعت ..

وقلنا يوم !!


____


يبه ..

سامحني بترخّص ..

قبل ينشف حبر الأقلام ..

كلامي بعده ما خلّص ..

و لكن موعد الأحلام .. حان ..

ولازم اوفي له ..

بعد ما ضاعت الحيله ..

اشوفك والوعد باكر !

إذا فكّر يجي باكر !

وبرجع اسألك وينك !

بس لازم تجاوبني ..

ترى عندي امل للحين !

ولكني اعرفك وين !

يبه شلونك ؟

ملل هالكون من دونك ..


____


يبه شلونك ؟

وتمضي رحلة الدنيا ..

بليا طلة عيونك ..

لاجل هذا ..

وكل هذا ..

اقول اليوم ..

يا بـيـي ..

ملل هالكون من دونك ..







التوقيع
نقره لعرض الصورة في صفحة مستقلة
 

يبه شلونك ؟
قديم منذ /17-01-2007, 01:13 AM   #2 (permalink)

عضو ماسي

حربي1 غير متواجد حالياً

 رقم العضوية : 33133
 تاريخ التسجيل : Feb 2004
 المشاركات : 2,971
 النقاط : حربي1 is on a distinguished road

افتراضي

سمعتها من قبل



جداً روعة


واشكرك على هذا الطرح








التوقيع
قال الشاعر /
ليس للعلم علةٌ تُذكر **** إلا متعلم بالخلقِ يجهل

 
يبه شلونك ؟
قديم منذ /17-01-2007, 02:19 AM   #3 (permalink)

عضو مميز

some_one غير متواجد حالياً

 رقم العضوية : 80324
 تاريخ التسجيل : Jul 2005
 المشاركات : 324
 النقاط : some_one is on a distinguished road

افتراضي

جزاك الله خير

نقره لعرض الصورة في صفحة مستقلة نقره لعرض الصورة في صفحة مستقلة نقره لعرض الصورة في صفحة مستقلة







التوقيع
نقره لعرض الصورة في صفحة مستقلة
 
يبه شلونك ؟
قديم منذ /17-01-2007, 04:42 PM   #4 (permalink)

عضو فعال

فجر 20 غير متواجد حالياً

 رقم العضوية : 184488
 تاريخ التسجيل : Dec 2006
 المشاركات : 55
 النقاط : فجر 20 is on a distinguished road

افتراضي

جزاك الله كل الخير








 
موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
يبه شلونك ملل هالكون من دونك....يبه حنا غدينا كبار توفقنا وتخرجنا يبه ماعاد فيه صغار المطرقة المنتدى العام 16 09-10-2007 02:49 AM
نا جح مع سوء سلووك [ ههههههههههه] ssww المنتدى العام 2 27-08-2002 01:14 AM

جامعة نجران

Ads Organizer 3.0.3 by Analytics - Distance Education
الساعة الآن 10:02 PM

  • روابط هامة
  • روابط هامة
LinkBack
LinkBack URL LinkBack URL
About LinkBacks About LinkBacks

SEO by vBSEO 3.6.1