Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Armco FX هي شركة وساطة واستثمار عالمية مرخصة ومتخصصة في أسواق المال العالمية.
العسل الحر

منتديات الشريف التعليمية
العودة   منتديات الشريف التعليمية > المنتديات العامة > المنتدى العام

المنتدى العام يمكنكم في هذا القسم المشاركة في كافة المواضيع التي تهم التعليم وغيره

موضوع مغلق
واحد مكاوي يروي لأولادة قصة الزير سالم ههههههههههههه,,,,,,,,,,,,,,,,
واحد مكاوي يروي لأولادة قصة الزير سالم ههههههههههههه,,,,,,,,,,,,,,,,
قديم منذ /01-02-2007, 04:55 PM   #1 (permalink)

موقف من قبل الادارة

فروسي2 غير متواجد حالياً

 رقم العضوية : 163432
 تاريخ التسجيل : Sep 2006
 المكان : الغربية
 المشاركات : 1,281
 النقاط : فروسي2 is on a distinguished road

افتراضي واحد مكاوي يروي لأولادة قصة الزير سالم ههههههههههههه,,,,,,,,,,,,,,,,

واحد مكاوي يحكّي اولاده قصة الزيرسالم ) اقروا القصة واضحكوا(


يااولادي دحين بقلّكم لمن ألتقى الواد جساس بالحونشي داك الي شايف نفسو مرة الي اسمو كليب..


خدو الرواية:


كليب كان ماشي في برحة مرة كبيرة ومافي ناس ولا في احد جنبو .


والواد جساس بصراحة خلبوص شويه وجبان ..لأنو استغل وجود الحونشي كليب لوحدو..


المهم عمنا كليب ماشي بامان الله وقاعد يشم شوية هوا وبعيد عن رجةالبزورة والبيت ومشاكل عيال عمو وقلق الناس الي عندو...


المهم جا الواد جساس وقلّو: انت يا كليب


طبعا كليب ادالو اشكل مارد عليه ولا ادالو وجه


قال جساس: انت يا كليب رد اشبك انا قاعد اهرجك ياهووه


وداك مديه اشكل وربي ولا هو معبرو


جساس: شوف ياكليب..انتا كسرة الماصورة حقتنا ولا خليتنا نشرب مويه

لا نحنا ولا غنماتنا ولاجملاتنا ... وكل هادا ونحنا ساكتين

وقلنا عيب مو مشكلة دا برضو ولد عمنا ومن لحمنا ودمنا... وكبير العيلة

لكن انك تفرد عدلاتك( عضلاتك )علي الجمل حقت خالتي (البسبوسة)وتقتلها كمان؟

لا حبيبي دا مو كلام رجاجيل وألّي انتا سويتو غلط في غلط

مو عشان سكتنالك تحسبنا خايفين منك..نحنا احترمنا صلة القرابةالي بيننا

وقلنا هذا( بو رحم )ومننا و فينا بس انتا بالمرة خبصت أم الشغلة.


ومع كل دا الكلام والحونشي عمنا كليب مديلو اشكل بقوة ، ولا كأنو في احد بالمرة.


جساس صرخة بصوت عالي مرةانت يا كلـــــــــــــــيب ياخي رد عليّا ايشبك ،اتبكمت والا ايش؟


انا عارف انو ما تطالع وراك الا ازا كان فيه بشكة اقل شي اربعين راجل...


كليب طبعا رد وهو لاوي بوزو ، ويعني اٍنو قوي مرة.. وقال:لا يا بويا غلطان ،أنا ما ارد إلا لمن تكون البشكة 50 راجل.


ساعتها الواد جساس جسمو تكهرب شويه بس سوى فيها انو ولا همو


وداك عمنا طنش وكمّل مشيو مع الحصان حقو المهم الواد جساس طرطع وقفلت معاه وركبو 100 عفريت..


وفي لحظة غضب الواد جساس طلّع الرمح حقو..ورماه علي عمنا كليب وغرزو في ظهرو ..


قام يتألم ويتبكبك الحونشي كليب وقعد يصرخ بصوت عالي كأنو بعبع(وحش ) ...


الواد جساس قال: ياواد ما يبغالهاالا افركلهاواشرد لا يجي احد دحين والا يجي الزير ويسويلنا قلق محنا فاضيلو دحينا، وهاتك يا فكيك دق سلف بالحصان حقو ونمر لها..


اما عمنا كليب حالتو صارت حاله ، قام يزحف علي بطنو شوية لمن وقف علي رجولو ويمشي والرمح معلق بظهرو ، لمن التقى بواحد بدوي حق غنمات ... لمن شافو البدوي انفجع


وقلّو: مو انتا عمّنا كليب ،اشبك كدا؟ ... ايش صار فيك ياعمنا ..


رد عمنا كليب على البدوي وقلّو: روقنا ياخي ، مو وقتو ، ما تشوفني مغرق بالدم وانتا لسه تسال؟


.ياخي جيب لي شوية مويه ابغى اشرب ياواد...


البدوي صاحبنا جبلو مويه وشرّبو .


كليب: اسمع ياواد انا غدر بي الواد جساس واكلني الرمح حقو بظهري من ورى ...


والي خلق امك لو انو كان من قدامي كان عرفت اتصرف معاه ...


لكن هو رمه وجبان وخيخة وجايني من ورى لكن مو مشكلة انا اعرف اجيب حقي...


حتي وانا ميت ورايا رجاجيل ما تترك حقي يابويا.


وقال كليب للبدوي: حكتب لك وصية تخليها حلقه بودنك وحكتبها علي الجدار دا بدمي


( لانو ماكان معاه قلم ولاورقةولا حاجة يمكن نسيها في البيت )...


ولازم اخوي سالم الداشر يقراها...

وبعدين الله يخليك تسوي معايا معروف انك تقتلني بعد ما اغلق من القصيدة ...

قبل ما يعفن ظهري وتصيبني الغرغرينة ( سلام وقول من رب رحيم(


قلّو البدوي طيب.

وبدا ابو الشباب يكتب الوصية:


وهي كالاتي:


اول بيت يقول: استغفر الله اله العرش لا يعبد سواه ...


وتاني بيت يقول: الملك لله رفع السماء وبسط الارض ...


وتالت بيت يقول: لاتنسى اليتاما وتخون العهد يادب ...


ورابع بيت يقول الله اكبر علي الظالم المفتري الغدار اصحك تسيبو او تسامحو


وخامس بيت يقول: جساس خمني وغدربي وطالع على الجرح بظهري وتعرف ...


وسادس بيت يقول: الزير اخويا اعرفو قوي وشديد يمرمط العدوين ويشلفطهم شلفطه...


وسابع بيت يقول: يا سلومي يا ابو السلالم خليك راجل وبطلك حركات البزورة


والبيت الثامين يقول فيه: شوف ياسالم لا تخلي ولا احد منهم لاراجل ولا شيخ ولا عجوزة ولا حريم


واقتلهم كل واحد ومرتو حتى البزورة لاتسيبهم المهم فقّع ابوهم كلهم.


وتاسع بيت يقول فيه: لا تصالح اي واحد منهم وربي لو تصالح احد حأشتكيك لربي


وعاشر بيت يقول فيه: لو ما سمعت كلامي دا ولا سويت الي وصيتك عليه نتقابل عند قاضي القضاة رب السموات والارض.


المهم بعد الهرجة هذي صاحبنا البدوي راعي الغنمات كمل علي عمنا كليب حسب طلبو


المهم الهرجة دحين وصلت لحارة كليب واهلوا عرفوا بالهرجة كلها وطبعا


اخوانوا سووا فيها كيف وما كيف ومن الكلام دا...

ونحن نفعل ونحنا نسوي وحقنا مايروح لو علي شواربنا ومن الخراط هادا.


المهم


راحوا عند بيت عيال عمهم وتقابلوا مع ابوهم يعني قلك يسون مفاوضات...


وهادا بدال هادا وما ادري ايش المهم مااتفقوا وقالوا خلينا نشوف الدب الداشر سالم ايش يقول؟.


وبعدين صاحبنا سالم كان سكران مع ولد عمو همام (ابو رحم) يعني رحيمو ... تعرفون كانو داشرين حقين شراب وبنات وكباين وشاليهات ومخلينها خل وطرشي


المهم ارسلو واحد يقول لهم الهرجة وجا الراجل الي بيقولهم الهرجة ، وكان الدب الداشر(الزير)


سكران مقربع مزبوط ومأجر السقف العلوي بالملحق كمان ... وطل همام وعرف الهرجة,


وفجأه طلع لهم الدب الداشر وقال:ايشبكم ياهووه ايش الهرجة قاعدين تتوشوشو علي ايش؟ ...


احس انو في شي بس ما تبغو تتكلمو ...بنت يا ضباع ايش الهرجة؟


المهم العالم خافت وقامت تنفض من الخوف... سحبو همام وقالو ادخل جو ونتفاهم ...


مسكو من صدرو قلّو ياهو ايش الهرجة قلبت راسي وفكفكتها معايه وانت عارف انو مرووقين وشاربين


قلّّو همام شوف: لو قتلوا اخوك كليب... ايش تسوي؟


قام ضحك الدب الداشر(الزير (الا شوي كشر بوجهو وقلب قارورة العرق وخلها تقطر شويه شويه...قلّو شايف هدا العرق كيف يقطر؟


طالع همام مستغرب


قلّو لا تستغرب ياواد ... لو قتلوا اخويه انا اخلي دم اخوي وكل قطره من دمو براس رجال من قبيلتهم


وانتا شوف اخوي قد ايش عندو دم( بكاش الواد هادا الزير) المهم.


همام قال:ياهوووووه ما بدها خليني اديلو الهرجة والي يصير يصير:


وقلّو الهرجة .... والدب الداشر(الزير) سوا مناحة ديك الليلة


وهاتك يابكى وصراخ زي البزوره ..تعرف مع السكار والخبر الي مزفت ..


نكب الدنيا ...المهم قاعد يقول اشعار وتهديد وتخاريف ومدري ايش من الكلام دا حق السكرانين..لمن طلع الصبح وصاحبنا نايم علي الدكة وحالتو حاله ...


ولد اختو من جد نذل قال لابوه:هيا نقتلو وهو سكران وفكنا من شرو


ابوه طرطع قلّو ايشبك انتا مجنون ؟ ياواد عيب دا خالك ... وسدحو بكلمتين وروق الواد.


المهم صبح الصبح وكل واحد يبغى يسري عند اهلو عشان يشوفون ايش الهرجة وكيف راح يدور البوكس بينهم( يعني المعركة ) وقبل مايمشون ...


سوا فلم هندي الدب الداشر وقرينو همام ...


قلك ماراح اقتلك وما ادري ايش وما ابغاك تكون خصمي يا همام ...


وقلك همام يقول لا ياهووووه كيف دولا أهلي وبرضو مااعتقد اني بسكت ... ومن الخرابيط هادي.


المهم كل واحد سرى عند اهلو...وقالوا بيننا البرحة ونشوف مين يغلب.


وباقي القصة يااولادي راح احكيكم هيه لما تنجحوا وتجيبوا الشهادة واقلكم ايش سوا ابو ليلى فيهم







 

واحد مكاوي يروي لأولادة قصة الزير سالم ههههههههههههه,,,,,,,,,,,,,,,,
قديم منذ /01-02-2007, 05:28 PM   #2 (permalink)

مشرف سابق

ابو ريان 2 غير متواجد حالياً

 رقم العضوية : 110862
 تاريخ التسجيل : Nov 2005
 المكان : مملكة الانسانية
 المشاركات : 7,524
 النقاط : ابو ريان 2 is on a distinguished road

افتراضي

ههههههههههههههههههههه حلوة الله يعصيك العافية فروسي








التوقيع
العقول الصغيرة تناقش الأشخاص والعقول المتوسطة تناقش الأشياء والعقول الكبيرة تناقش الأفكار
نقره لعرض الصورة في صفحة مستقلة
 
واحد مكاوي يروي لأولادة قصة الزير سالم ههههههههههههه,,,,,,,,,,,,,,,,
قديم منذ /01-02-2007, 05:32 PM   #3 (permalink)

موقف من قبل الادارة

فروسي2 غير متواجد حالياً

 رقم العضوية : 163432
 تاريخ التسجيل : Sep 2006
 المكان : الغربية
 المشاركات : 1,281
 النقاط : فروسي2 is on a distinguished road

افتراضي

اقتباس:
المشاركة الأصلية كتبت بواسطة ابو ريان 2 مشاهدة المشاركة

ههههههههههههههههههههه حلوة الله يعصيك العافية فروسي



أبو ريان كلمة (يعصيك) لحسة مخي

أش جاب حرف (ص) في لوحة المفاتيح جنب حرف (ط)

لكن الله يعصيك العافية بعد

خخخخخخخخخخخخخخ :احسنت:







 
واحد مكاوي يروي لأولادة قصة الزير سالم ههههههههههههه,,,,,,,,,,,,,,,,
قديم منذ /01-02-2007, 09:50 PM   #4 (permalink)

عضو فعال

عز البرد غير متواجد حالياً

 رقم العضوية : 159533
 تاريخ التسجيل : Aug 2006
 المشاركات : 34
 النقاط : عز البرد is on a distinguished road

افتراضي

شكرررر يا أبويا قصه مرررره حلوه كتير








 
واحد مكاوي يروي لأولادة قصة الزير سالم ههههههههههههه,,,,,,,,,,,,,,,,
قديم منذ /01-02-2007, 10:06 PM   #5 (permalink)

عضو جديد

معلم هلالي غير متواجد حالياً

 رقم العضوية : 152219
 تاريخ التسجيل : May 2006
 المشاركات : 14
 النقاط : معلم هلالي is on a distinguished road

افتراضي

الهرجة كدا








 
واحد مكاوي يروي لأولادة قصة الزير سالم ههههههههههههه,,,,,,,,,,,,,,,,
قديم منذ /01-02-2007, 11:53 PM   #6 (permalink)

عضو مميز

عاشق المعرفه غير متواجد حالياً

 رقم العضوية : 7095
 تاريخ التسجيل : Oct 2002
 المشاركات : 319
 النقاط : عاشق المعرفه is on a distinguished road

افتراضي

ههههههههههههههههههههههههه هههههههههههههههههه
مرررررررررررره حلوه

الله يديك العافيه طول مالدجاجه حافيه








 
واحد مكاوي يروي لأولادة قصة الزير سالم ههههههههههههه,,,,,,,,,,,,,,,,
قديم منذ /02-02-2007, 12:06 AM   #7 (permalink)

عضو ذهبي

ابو ايمن العمري غير متواجد حالياً

 رقم العضوية : 123523
 تاريخ التسجيل : Jan 2006
 المشاركات : 1,294
 النقاط : ابو ايمن العمري is on a distinguished road

افتراضي

شكراا
































.








التوقيع
نقره لعرض الصورة في صفحة مستقلة
الفرق بين راتبي الحالي وراتبي المستحق هو 2943.65 ريال

فمتى نصل المستوى الخامس

قال رسول الله صلى الله عليه وسلم : اعطى الاجير حقه قبل ان يجف عرقه .

حسبي الله ونعم الوكيل نعم المولى ونعم النصير


نقره لعرض الصورة في صفحة مستقلة
 
واحد مكاوي يروي لأولادة قصة الزير سالم ههههههههههههه,,,,,,,,,,,,,,,,
قديم منذ /02-02-2007, 12:29 AM   #8 (permalink)

عضو جديد

qosi_2007 غير متواجد حالياً

 رقم العضوية : 191482
 تاريخ التسجيل : Jan 2007
 المشاركات : 5
 النقاط : qosi_2007 is on a distinguished road

افتراضي

يعطيك العافـــــية

ابغاك تعيدها بالجيزاني عشان احكيها لطلابي








التوقيع
[IMG][url=https://www.gamesgb.com]نقره لعرض الصورة في صفحة مستقلة[/url[/IMG]
 
واحد مكاوي يروي لأولادة قصة الزير سالم ههههههههههههه,,,,,,,,,,,,,,,,
قديم منذ /02-02-2007, 02:39 AM   #9 (permalink)

عضو نشط

القادم بقوة غير متواجد حالياً

 رقم العضوية : 59044
 تاريخ التسجيل : Feb 2005
 المشاركات : 89
 النقاط : القادم بقوة is on a distinguished road

افتراضي

اقتباس:
المشاركة الأصلية كتبت بواسطة ابو ريان 2 مشاهدة المشاركة

يعصيك

ههههههههه
حلوة







 
واحد مكاوي يروي لأولادة قصة الزير سالم ههههههههههههه,,,,,,,,,,,,,,,,
قديم منذ /02-02-2007, 04:26 AM   #10 (permalink)

عضو فضي

الجااامح غير متواجد حالياً

 رقم العضوية : 80045
 تاريخ التسجيل : Jul 2005
 المشاركات : 694
 النقاط : الجااامح is on a distinguished road

افتراضي

ههههههههههههههههههههههههه هههههههههههههههه
هي كتررررررررلنا منها حقة العيااااااااااااااااااااا ال دولوااا تكفاااا


ترى نستنااااااااااااااااك ياااهوه ما يصير لازم نعرف النهااااايةحق جساس داااااااا








التوقيع
نقره لعرض الصورة في صفحة مستقلة
 
موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
شباب السعودية على الموضة ههههههههههههه والله يبغالكم عصا او العقال aattnn المنتدى العام 25 30-06-2008 05:26 PM
هذا ما كتبه سالم الشيباني في صحيفة الوئام عن القضية..جعله سالم وغانم بابا علم المنتدى العام 5 15-12-2007 08:40 PM
الصدر الصدر سبب الهتاب بها عند شنق صدام mshwar المنتدى العام 29 15-01-2007 12:04 AM

جامعة نجران

Ads Organizer 3.0.3 by Analytics - Distance Education
الساعة الآن 09:47 AM

  • روابط هامة
  • روابط هامة
LinkBack
LinkBack URL LinkBack URL
About LinkBacks About LinkBacks

SEO by vBSEO 3.6.1