Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Armco FX هي شركة وساطة واستثمار عالمية مرخصة ومتخصصة في أسواق المال العالمية.
برنامج مدرستي نت - عصر التحول الرقمي
العسل الحر

منتديات الشريف التعليمية

المنتدى العام يمكنكم في هذا القسم المشاركة في كافة المواضيع التي تهم التعليم وغيره

موضوع مغلق
ماحقيقة الرجل والأربع بنات في البر اللي مغرزات !!
ماحقيقة الرجل والأربع بنات في البر اللي مغرزات !!
قديم منذ /25-11-2007, 02:50 PM   #1 (permalink)

مشرف سابق

albadrani غير متواجد حالياً

 رقم العضوية : 83304
 تاريخ التسجيل : Aug 2005
 المكان : الـقــــصـ *الرس*ـــيـــم
 المشاركات : 5,497
 النقاط : albadrani is on a distinguished road

افتراضي ماحقيقة الرجل والأربع بنات في البر اللي مغرزات !!


أنـا واربع بنات في البر....

البر وما أدراك ما البر ... فيه وناسه وفيه بعض الأحيان تعاسة ...


في ربيع هالسنه 1427هـ أتفق الشباب في الاستراحة على طلعت بر .. وقالو لي يابو ثامر نبيك معنا فيها قلت والله ياجماعة الخير أشتريكم وأشتري أمخاواكم بس عندي شرطين ولا تضحكون علي .. قالوا هات ما عندك يا بو ثامر قلت الأول أم أعيالي أبشاورها .. والثانية أبروح في سيارتي ولا أبي أحد معي ... قالو أفأ ليه قلت من غير ليه .. قالوا أبشر والوعد بكرة في ( أم أرقيبة ) الساعة 12 الظهر عشان ندخل الصمان بدري قبل تظلم العين .... شاورت أم العيال ولا مانعت .. حملت كل شي أشوفه في وجهي من عزبة وعدة وحطب .. صليت الفجر ومشيت وصلت أم أرقيبة قبلهم صليت الظهر والحمد لله مافيه أحد تخلف من العيال .. دخلنا الصمان ويازين الصمان أرض خضراء ودفى ووناسه .. جلسنا في أم أقرين ومشينا فيه الين مناخ .. قضينا في الصمان خمس أيام راحة كنها ليلة .. أنا أنشغل بالي مع أم العيال والعيال وأمي .. قلت للربع أنا أبمشي للديرة .. قالوا أن مشيت مشينا .. قلت هذا المقصد يوم أجيب سيارتي معي .. أنتم وسعوا الصدر وأنا أبقطع النفود ثم أتوجه يم الديرة .. قالو ما نقول شي خذ راحتك بس خل الكنود شغال وبرمج المكان على القارمن والله يوفقك .. توادعت معهم ومشيت الظهر منهم ودخلت النفود مع العصر كل شي ماشي تمام إلا أن ريشة الكنود تعطلت .. قلت يالله دام القارمن شغال الله الموفق مافيه غيره .. من دخلت النفود والسماء تمطر ديم .. قلت في نفسي مافيه وقفة ولا نوم الآ في السيارة أن أضطريت لها ,, قطعت النفود والحمد لله قبل نصف الليل بشوي .. بانت علي أنوار القاعية وكلش تمام بس أنا أبي تمير أو أم أرجوم ومنها إلي التنهات عشان أختصر المسافة .. بس الأمور ماجت على الكيف .. السماء مطر والأرض تمشي سيل .. قلت الأمر بيد الله .. وصلت ( الأعصل ) وادي شرق تمير عرفته من الطلح يوم كنا نصيد فيه ..
الوادي يمشي مشي ضعيف والمطر وقف قلت هذي ساعتك يابوثامر شب النار واضبط الدله .. الساعة قاربت الواحدة والنصف صباحا .. واليوم هذا هو يوم الخميس .. شبيت النار وبهرت الدلة وأشوف القبلة علي مغيب النجوم برق حقوق قلت الله العالم هذا رزق ساقه الله على هالديرة ..
الله يعطيهم خيره ويكفيهم شره وشر البرد اللي فيه .. الدنيا سكون وأنا جالس أشرب القهوة فاضت قريحتي علي الشعر وقلت هالأبيات ..

غاب القمر يا ناس والراس محتــــــاس .... في وسط وادي كل أرضه حصاني
لا جيت أنا أبمشي فيه والموتر الشاص .... قـام يتمايــل فوق رمــــث حدانـــي
شبيت ناري واعتـــــــلآ النار محمــاس .... لعل ضيـــفي شــم نــــاري وجانــي
هبــــت جـنوب فوقها الـبـــــرق رقــاص .... بــــرق حـقـــوق أرتـفع لـي وبانـي

وأنا أنشد هالقصيد وأتحرى الخير من مطر وأرجي الله أنه يرزقنا من خيره .. سمعت سيارة تحن وهي في مكانها وأسمع صوت صياح وكنه صياح بنت أو ولد صغير قلت يمكن هذا بدو أو كشاته ..
بس الصياح كنه أرتفع وأرتفع معه أزعاق وكن أحد يحاول يسكته بالقوة ......
الساعة قربت علي الثلاث الصبح .. وصوت السيارة ما أنقطع من الحنين .. جمعت العزبة وقلت يا ولد أروح أشوف وش القصة .. لأني خفت يكون أحد أمتعطل والبرق قرب علينا .. مشيت مع الوادي يم الحيرة أخر وادي الأعصل .. رفعت النور وأشوف سيارة يوكن حمراء وسط الوادي غاطس في الطين .. يوم شافني قربت منه طفاء النور وجلس في السيارة بدون أي طلب مساعدة .. السيارة أمظللة .. ضربت بوري وأشرت بالنور مافيه فايدة وكنه ما يبيني أساعده .. قلت في نفسي على هواك .. تركته ومشيت مطلع شمس يم التنهات .. بس قلبي ما طاوعني لأني أشوف البرق قرب وبرقه حقوق .. خفت أن صاب السحاب هالوادي أن تروح هالسيارة بما فيها من ناس .. رجعت يمه ونزلت وأصيح عليه يالغشيم أنزل نسحب السيارة قبل السيل .. أنا بيني وبينه قرابت العشرين متر ... بس ألظاهر ما سمعني .. أشرت بيدي يم السماء وكنه فهم بس ما يبي ينزل من السيارة .. فتح الدريشة شوي وقلت له يا أبن الناس السيل في الطريق أما أنزل نسحب السيارة أو أبعد عنها لا تروح معها .. أنا قلت هالكلمة ولا الصياح يوم طلع من السيارة .. فتح الباب ولا وش أشوف أربع بنات في عمر أقل من 25 سنه ولا رجال معهم ولا سواق .. يوم شفتهن قلت أجلسن في السيارة .. يا حيلة الله حضي وجا بني للغربلة .. سحبت السلسلة من صندوق الموتر وأخذت واير الونش معي وطبيت في الطين الين وصلت سيارتهم ربطت السلسلة في اليوكن والونش وقلت لها أسمعني سيارتكم مافيها دبل وتماتيك يعني أذا سحبتك لا تلفين يمين ولآ يسار .. قالت أبشر .. سحبتها وانقطع الواير ورجع علي سيارتي وكسر قزازة الموتر القدامية ودخل علي وسط الغمارة بس فكني الله منه .. نزلت وهن أنزلن وطبن في الطين خايفات علي من السلسلة والواير .. قلت سلامات ما صار الآ الخير .. شبيت النار وقلت لهن أجلسن حولها ولا عليكم من شي الآ شي واحد أنكم تسكتون هالي تصيح لأني ما أقدر أسوي شي وفيه أحد عندي يون أو يصيح .. قالن ما عليك تامر أمر .. وأنا أحاول أركب البكرة في موترهم الآ والسواقة طابة معي في الطين قلت يا بنت الناس استريحي ما عليك من شي أذا أحتجتك ناديتك قالت عيب علينا حنا بنات أرجال ... أنت ما قصرت أتعبناك ودمرنا سيارتك .. قلت أبد ما عليك الغريب للغريب نسيب ..
وأنا أحاول اربط السيارة والسواقة بعيدة عني شوي قلت هالقصيدة بيني وبين نفسي ..

أوا هني اللي علي النـفد نايـم ... أمجاور نار الدفا من غضاها
قناص أو كشـات فوقـه عـزايم ... ربعـه يدلـونه الي هو نـواها
تركت أنا الصمان والجوغـايم ... قاصـد أبي الديرة وقلبي نواها
لقيت أنا المزيون والقلب صايم ... عن الحرام اللي أبعد هواهـا

.. ربطنا السيارة وقلت لها هالمرة لا تركبين في السيارة لأني أخاف الواير ينقطع عكس .. بس خلي الموتر فاضي وثبتي الدرقسون وتركيه .. أنا الحين أمركب البكرة والبكرة تزود القوة .. السماء أمطرت والبرق فوق الرأس وأنا أتوكل على الله وأسحبه والحمد لله طلع ومن يوم طلع وركبن في موترهن والبرد يطيح علينا .. وأنا صرت في حوسة .. القزازة مكسورة والبرد دخل علي في الغمارة .. بس الحمد لله أن السحاب عنا جنوب شوي ولا طول المطر .. كل أجهزتي راحت من ماجلان وكنود وغيرة من المطر والطين بس الحمد لله أن الجماعة أطلعوا .. قلتلهن الحين طلعتو وقولولي القصة قالن حنا كاشتين مع أهلنا في شعيب (الشوكي) ورحنا أنتمشى بالسيارة نحسب الدعوى تمشي وضعنا ولا درينا الا وحنا في هالشعيب من العصر أمس ..
قلت ورطنا .. قالت السواقة ليه .. قلت الله يستر ما يكون الشوكي ماشي بقوة من ها لسحابة .. لكن مافي اليد حيلة مشينا .. قلت أنتم وين من الشوكي .. قالن ما ندري حنا في الشوكي وبس .. قلت حولكم شي غريب شي يلفت البال قالت اللي تصيح أيه حولن ( غار عليه باب مفكوك ) قلت بس عرفته مشينا .. المسافة ماهي بعيدة لكن المصيبة طين وسيل والسواقة أعليمية والموتر تماتيك .. وصلنا الشوكي على طلعة الشمس والحمد لله يمشي ومشيه ردي يعني الواحد يقدر يمشي فيه .. يوم قربت من أهلهم قلت لهم أهلكم باقي عليهم قرابة 500 متر الله يوفقكم .. أنا بروح مع درب ثاني سبحان الله الواحد يخاف من الظن لا قدر الله ..
قالت السواقة ما قصرت الله يعفيك بس أبي رقم جوالك قلت لية قالت بس .. وأقوم وأعطيها أياه وأنتفارق .. أنا من التعب والجوع وقفت في وحدة من الشعيبات وجلست أشب علي فطوري مع طلعت الشمس .. ما دريت الآ والجيوب والصوالين اللي جاية يمي .. وقفو ونزلوا خمسة شباب وقالو لي أنت من طلع اليوكن قلت نعم .. قالو أمش معنا قلت وين قالو هناك تعرف .. ركبوني معهم .. وفيه وأحد منهم جمع أغراضي وساق سيارتي الين وصلنا .. نزلوني ثم دخلوني في وحدة من الخيام فيها شايب عليه أثار الخوف .. قال يا ولدي أنت من طلع بناتي وبنت أخوي قلت نعم .. قال وين قلت في المكان الفلاني .. قال يعني هن صادقات قلت نعم .. قال وأنت موترك أندمر من السحب والبرد قلت نعم .. قال وش تبي المكافأة قلت أبي سلآمتك بس .. قال لا .. أنت مثلك في هالديرة قليل .. قلت لا بل كثير قال: تقولي لا من أنت يا لوح علشان تقولي لا .. مسك الدلة وظربني بها علي راسي ( وأنا أقوم من النوم وأتعوذ من الشيطان وأنقلب علي جنبي الثاني وأنام ) ..


أعجبتني ونقلتها للأحبة







التوقيع
الله يشفيك ياوالدي عاجلاً غير آجل ولايريك مكروه إن شاء الله


رحمك الله يا أبا ياسر وجعل الجنة مقامك
إنا على فراقك لمحزونون




نقره لعرض الصورة في صفحة مستقلة
نقره لعرض الصورة في صفحة مستقلة
 

ماحقيقة الرجل والأربع بنات في البر اللي مغرزات !!
قديم منذ /25-11-2007, 03:47 PM   #2 (permalink)

عضو ذهبي

الطارق2 غير متواجد حالياً

 رقم العضوية : 228018
 تاريخ التسجيل : Jul 2007
 المشاركات : 1,306
 النقاط : الطارق2 is on a distinguished road

افتراضي

قصة ولا أروع الله يعطيك العافيه أخوي البدراني








 
ماحقيقة الرجل والأربع بنات في البر اللي مغرزات !!
قديم منذ /25-11-2007, 06:07 PM   #3 (permalink)

عضو ذهبي

ابوحسن36 غير متواجد حالياً

 رقم العضوية : 221484
 تاريخ التسجيل : May 2007
 المشاركات : 1,582
 النقاط : ابوحسن36 is on a distinguished road

افتراضي

الله يعطيك العافية متى نلمس هذة الشهامة في ابنائنا بدل الحلم بها اضن هذا بعيد على شباب المراكز التجارية اللي ما تدري هو حرمة والا رجال الله يصلح لنا ولكم ما قسم ورزق واللهم لا شماته








التوقيع
اذا دارت رحى قوم علينا صبرنا وقلنا يامعينا_واذا دارت رحانا على قوم طحنا ودققنا الطحينا
 
ماحقيقة الرجل والأربع بنات في البر اللي مغرزات !!
قديم منذ /25-11-2007, 07:08 PM   #4 (permalink)

عضو فضي

المغترب نت غير متواجد حالياً

 رقم العضوية : 70484
 تاريخ التسجيل : Mar 2005
 المشاركات : 633
 النقاط : المغترب نت is on a distinguished road

افتراضي

انا قلت ياخوي ذلحين بيزوجه وحده من ذولي البنيات .

وآخرتها طلع حلم .

ههههههههه








 
ماحقيقة الرجل والأربع بنات في البر اللي مغرزات !!
قديم منذ /25-11-2007, 09:34 PM   #5 (permalink)

عضو فعال

صالح مصلح غير متواجد حالياً

 رقم العضوية : 79891
 تاريخ التسجيل : Jun 2005
 المشاركات : 62
 النقاط : صالح مصلح is on a distinguished road

افتراضي

ههههههههههههههههه

الله يسامحك والله عندي شغل وجلست اقرا لين خلصت تارك شغلي

شكرا








 
ماحقيقة الرجل والأربع بنات في البر اللي مغرزات !!
قديم منذ /25-11-2007, 09:39 PM   #6 (permalink)

(سهام الخير) غير متواجد حالياً

 رقم العضوية : 244192
 تاريخ التسجيل : Sep 2007
 الجنس : ~ MALE/FE-MALE ~
 المكان : jeddah
 المشاركات : 12,915
 النقاط : (سهام الخير) is on a distinguished road

افتراضي

ماشاء الله تبارك الله أحسنت الأختيار وفعلا قصة روووعة جزاك ربي الجنة يالبدراني

أختك؟ سهام الخير








التوقيع
جمال الحياه وعدمه , قرار تتخذه نفسي ولاتفرضه علي الحياة

,
,

مهما خذلتنا الأيام هناك بصيص أمل قادم من رحم المعاناة
شكر عميق لله , ولكل الأشياء القادرة على إسعادي
,
 
ماحقيقة الرجل والأربع بنات في البر اللي مغرزات !!
قديم منذ /25-11-2007, 10:07 PM   #7 (permalink)

عضو فضي

خالدالعبدالله غير متواجد حالياً

 رقم العضوية : 243832
 تاريخ التسجيل : Sep 2007
 المشاركات : 774
 النقاط : خالدالعبدالله is on a distinguished road

افتراضي

البدراني الف شكرعلى هالقصة الرااااااااااااااااااااااائعة والله ياهي قصة خلتني اعيش اجواءثانية ايوى هيك القصص وإلابلاش ودمت بصحة وعافية
واسأل الله العظيم رب العرش العظيم أن يشفي خالتك امين يارب العالمين








التوقيع
الله يسامح من ذكرت ونساني ** وانا ادري اني لاذكرته تجملت

ياللي سكنت اجمل زوايا كياني ** حاول تشيل من الوفا ربع ماشلت !!

احيان احس انك معي شخص ثاني ** واحيان احس انك حبيبي ولازلت

ماني على خبرك حبيبي تراني ** حتى عن صغار الاماني تنازلت !
 
ماحقيقة الرجل والأربع بنات في البر اللي مغرزات !!
قديم منذ /25-11-2007, 11:18 PM   #8 (permalink)

عضو ذهبي

هوازن عتيبة غير متواجد حالياً

 رقم العضوية : 154660
 تاريخ التسجيل : Jun 2006
 المشاركات : 1,452
 النقاط : هوازن عتيبة is on a distinguished road

افتراضي

ههههههههههههههههههههههههههههههههههههههه
وربي تفاعلت مع سالفه البنات
لا اضحك من حبك القصه في مفرداتها عدم منطقيتهاا
ودمتم








 
ماحقيقة الرجل والأربع بنات في البر اللي مغرزات !!
قديم منذ /25-11-2007, 11:40 PM   #9 (permalink)

 
الصورة الرمزية محبوووووب

محبوووووب غير متواجد حالياً

 رقم العضوية : 227353
 تاريخ التسجيل : Jun 2007
 المكان : تحت أديم السماء
 المشاركات : 7,271
 النقاط : محبوووووب is on a distinguished road

افتراضي

وربي انك رهييييييييييييييييييييييييييب يا ابوثامر


الله يعطبك العافيه


حلم ولا اروع








 
ماحقيقة الرجل والأربع بنات في البر اللي مغرزات !!
قديم منذ /26-11-2007, 12:04 AM   #10 (permalink)

عضو ماسي

سيف الجهاد غير متواجد حالياً

 رقم العضوية : 226795
 تاريخ التسجيل : Jun 2007
 الجنس : ~ MALE/FE-MALE ~
 المكان : الســـعــ(جـــدة )ــوديــة
 المشاركات : 3,606
 النقاط : سيف الجهاد is on a distinguished road

افتراضي

ههههههههههههههههههه

ربي يعافيك اخي البدراني

نقره لعرض الصورة في صفحة مستقلة








التوقيع
نقره لعرض الصورة في صفحة مستقلة

 
موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
أنا واربع بنات في البر موقف حصلي العام الماضي ابو صقر 22 المنتدى العام 17 10-12-2007 09:59 PM
لعيو ن أهل البر والكشتات أخر من وصل إلى البر راس عيطا المنتدى العام 0 30-11-2007 03:32 PM
ممكن اللي يدرس اولى ثانوي بنات؟ جمانه1 منتدى مادة اللغة الانجليزية 4 16-11-2007 02:33 AM
لو سمحتوا اللي تحضير ثاني ثانوي بنات باسم الفجر منتدى مواد اللغة العربية 0 10-09-2006 02:37 PM
بنات مغرزات في البر وطالعات فوق تندة الصالون (صور) - ممكن - المنتدى العام 7 03-06-2006 11:41 PM

جامعة نجران

Ads Organizer 3.0.3 by Analytics - Distance Education
الساعة الآن 11:51 PM

  • روابط هامة
  • روابط هامة
LinkBack
LinkBack URL LinkBack URL
About LinkBacks About LinkBacks

SEO by vBSEO 3.6.1