Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Armco FX هي شركة وساطة واستثمار عالمية مرخصة ومتخصصة في أسواق المال العالمية.
برنامج مدرستي نت - عصر التحول الرقمي
العسل الحر

منتديات الشريف التعليمية

المنتدى العام يمكنكم في هذا القسم المشاركة في كافة المواضيع التي تهم التعليم وغيره

موضوع مغلق
شوفوا واحد من الشباب وش يقول عن عبايات البنات الحين000
شوفوا واحد من الشباب وش يقول عن عبايات البنات الحين000
قديم منذ /31-03-2008, 09:29 PM   #1 (permalink)

عضو ذهبي

فارس الظل0 غير متواجد حالياً

 رقم العضوية : 281264
 تاريخ التسجيل : Feb 2008
 المشاركات : 1,055
 النقاط : فارس الظل0 is on a distinguished road

افتراضي شوفوا واحد من الشباب وش يقول عن عبايات البنات الحين000

بسم الله الرحمن الرحيم

شوفو واحد من الشباب وش يقول عن العبايات الحين.....

عندي موضوع والله انه يا جماعه فاقع مرارتي ,, مضيق صدري وفي نفس اللحظه لاحس مخي !!

أباطرحه قدام حضراتكم ,, وأنتم براحتكم, , إن بغيتوا اطرحوه أرضاَ أو ثبتوه جواَ أو دحدروا به على المدرج والعالميه (( رجعت الدعايه انتبه له يا مشرف ))

لأني وقتها راح أقول له : دخلني الباب وألحس كفر الدباب


ولا يجيني واحد ثاني مطفي النور وداعس ثم يخش فجأة في عيني وهو يشربك ويقول: موضوع مكرر ,,

لأني وقتها راح أظطر أسدد له طراقين . الأول صدقي والثاني مكرر


من جد يا جماعة الخير ,, هل اللي حاصل حالياَ في الأسواق والعروس والشوارع .. اسمه عبايات ؟ ويسمى ستر وحشيمه ؟


سؤال أطرحه لكم ياحضرات القضاه والساده المستشارين وأبي منكم إجابه ..



أنا كـ شاب أعزب أشعث أغبر ما قد شفت الا شغالتنا السرلانكيه .. فجأة تشطفني في الشارع بنت عليها عباية أضوق من ثوبي !!!!! وش موقفي ؟ أكيد بأعض الأرض وأتمتم قائلا : ألعن أبو الصيده يا شيخ


أنا كـ شاب أفكر كثيرا في الجنس الآخر ولا قد شفته .. أجي السوق وألقى ثلاث بنات مروا من جنبي عليهم اسم طرحه والأكمام كأنها كراسيدا باكستاني أنواع الزخارف ,, وش ترجون مني ؟ أكيد ابليس بيدق علي بيجر ويقول: دز وراهم يا مال السيل


أنا كـ مواطن متحمس و لي حق العيش في هذا الوجود المنتعش ,, أروح المستشفى أبي أعالج راسي من الصداع ,,

ثم تصادفني في ممر المستشفى فتاة عليها لثمه كأنها ناوية تسرق وعيونها كحل في كحل وش أسوي ؟

أكيد راح يزيد صداعي وبأرجع من المستشفى مصدع ألعن من قبل والبركه في عباية بنت الأجواد


لا والمشكله ,, تلقى البنت شينه وشيفه وكأن وجهها قوطي داعسه وايت بس بالعبايه قسم بالله ماتقوم معها حلا شيحه


شغالتنا مثلا .. اسمها ( راني ) .. وجهها كأنه مفك بيبسي .. وفي الليل أتجنب رؤيتها لأنها تذكرني بسوالف الجن الله يقاصرنا ويقاصرهم بالاحسان .. مرة لبست نقاب حق جدتي العجوز ,, ماعرفتها ..

قمت ألاحقها في الحوش وأقول: يا لبى قلبك يا المبرقع انت

يوم استانست وشالت البرقع وناظرتني بإبتسامتها الخاليه من الأسنان ..ضاعت علومي و قلت :


يالله روحي مطبخ جيبي مفاتيحي (( من زود الشين اللي فيها لخبطت بين غرفتي والمطبخ ))

يعني شفتوا كيف ان العبايات والبراقع قد إيش ملاعين خيـّـرررر ؟

لحظه لحظه ,, كأني أشوف الأخ مدرعم راز سبابته اللي كنها عصا موكلي ,, تفضل اسأل يا درعومتي..


والله براافو عليك ,, سؤالك جدا في محله .. نعم أحسنت من هو المسؤؤل (( صفقوا كلكم لمدرعم الدافور ))---> أما عاد هذي أسئلة مدرعم كثر لي منها أخبر أسئلته بكم الحشيش وين بتجلسون الليله وكم تدفون

الموووهم ..


دايم أسأل نفسي وانا من النوع اللي أحيانا في العصريه أجيب ترمس شاهي ومكسرات وأتقهوى انا ونفسي وندردش


بس الغريب ان نفسي من النوع الحياوي . تصدقون ماقد قالت لي ولا مرة: صب لي بياله


قبل فترة كنت جالس مع نفسي وحصل موقف رهيييب .. , سألتها : من المسؤؤل عن هالعبايات السامجه اللي انتشرت ؟ وين اخوانا اللي في الهيئة أو شااابين على مندوبنا حنا بس يا الشباب ؟ وينهم عن عبايات هالغزلان ؟


المشكله أن نفسي ما ترد لأنها مو لاقيه اجابه ..


سألت نفسي ثاني مرة : اعنبوا بليس هذولي ما وراهم أهل يقولون: هالعبايه عيييييييييييييب حراام !!

للمرة الثانيه تلتزم نفسي السكوت ولا ترد ,,


سألت نفسي ولثالث مرة : طيب وين الحمية ؟ وين أخوانهم الكبار عنهم ؟ أو بس جيدين في تحويم الحمام في السطوح؟

وللمرة الثالثه مارست نفسي السكوت وعطتني بالخامس !


سألتها لرابع مرة : طيب هالبنات وش هدفهم من عبايات الخصر واللثمه والدانتيل والزخارف؟ معقوله يبون لفت انتباهنا وفعلاَ راضين بالترقيم وتحرش هالمراهقين اللي أنا زعيمهم ؟

كالعاده لم ترد علي نفسي للمرة الرابعه وحقرتني !!!



عصبت انا ,, طنقرت ,, وأنا من النوع اللي إذا عصب على طول يحمق !! قلت :

مو معقوله يانفسي .. ياختي قولي شيء ,, بالله عليك مو حرام اللي نعيشه في الشوارع والاسواق والمحلات وعند الاشارات ,, ياهوووه تكلمي انطقي بالله مو ظلم مو حرام هالعبايات تلعن جدفنا كشباب طموح . ردي يابقرة


وفجأة .. وبدون مقدمات .. طار الحب والفستق وانكبت زمزمية الشاهي وقامت نفسي علي وسددت لي ذاك الكف وشالتني سوبرفلكس ومحطت بي ثم انفجرت تصارخ علي تقول:


(( يااخي أزعجتني ياخي من يوم طبيت الثمانطعش الين الحين في الثنين وعشرين من عمرك وانك مزعجني بهالاسئله

نعنبوا من جابك 5 سنين وانت شغال تجلدني بأسألتك لابوك لابو مخك لابو هالعبايات والبنات اللي تقول

ياابن الذين آمنوا شغل مخك خلاص وقتك تغير .. هذا زمان البنت مو زمان الولد .. انت اللي تستحي وهي لا .. هي الجريئه وانت الحياوي ..
ياخي عاصر زمانك وخلك جنتلمان او ياخي انطق في بيتكم لااعاد تطلع ,, انثبر في غرفتك الله ياخذ شكلك وفكني .,,

لاعاد تتمشى بسيارتك ولا عاد تروح دوامك ولاعاد تطب الاسواق وكل تبن واقضب ارضك ,, جعلك الماحي قل آمين تكفى يامدرعم أشطب يوزره والله انه ابلشني))



مرت خمس دقائق وانا فاقد الوعي وخايف من نفسي وقعدت أفكر في كلامها وبالذات كلمة :
إقتباس




ذا زمان البنت مو زمان الولد .. انت اللي تستحي وهي لا .. هي الجريئه وانت الحياوي ..




(( اقتباس من مشاركتها ))


قمت ,, عدلت الزمزمية ,, جمعت الحب والفستق والقريض اللي طاح ,, والتفت عليها وحبيت راسها وقلت :

سامحيني والله انك صادقه ابشري من اليوم ورايح ما هنا طلعه ووالله صدقتي في كل كلمه ,,


ضحكت وقالت لي : هههههههههه أعترف صح جلدتك ؟ صح أنا أخوف لما أكون عصبيه ؟

قلت: لا وفوق هذا والله انك حكيمه بعد .. الله لايحرمني منك ..

قالت : ولا يحرمني منك بعد أنت يا بعد روح روحي ..

قربت منها وقربت مني .. وصار مشهد رومنسي قطعه إياد مدني مهوب أنا



السؤال : هل تتفقون مع ما قالته نفسي الحكيمه ؟ أم يا هل ترى بالغت وشطحت قليلا (( انتم ماخذين بالكم من الفصحى ؟ ))


ولو الواحد منكم يا الحبايب شاف عباية أخته مخصره ومزخرفه كأنها هوندا حقت خال .. وش موقفه . يرضى ؟


وإذا - لا قدر الله - وحصل ما لايحمد عقباه وتحرش في البنت أي شاب مفتووون ,,

ليش اللوم والحكي كله على الشاب والبنت طالعه منها براءة ؟ ليش ؟ ليش؟ (( وجه واحد منهار في المحكمه ويقول: اغيثونا ))

منقـولـ
وآسفه على الألفاظ اللي تلفظ بها الشاب وعلى أسلوبه في الحديث بس أنا حبيت أنقل لكم الحديث بحذافيره

بس ماتلاحظون أنه صادق في كلامه
من جد العبايات هاليومين
ملففففففففففففته جدااااا
انا بالنسبه لي
احس انها تلفت انتباهي بشكل
غير طبيعي
اجل شلون الرجال
اتمنى التفاعل
وودي اشوف وش رايكم بالعبايات هاليومين؟؟؟؟؟؟؟؟؟؟؟؟؟؟؟؟؟ ؟؟


التوقيع :







التوقيع
بـــــــــدويه ونا بعيشتي تنعمت *** رمز البداوه سيف والكيف دلــه
محبوبتي (ينبــــــع) في حبها همت*** اعشق سهلها والجبال المطله
يكفيني منهـــــــــــا اني تعلمـــت *** ان الركوع لغير الله مذلــــــــه






نقره لعرض الصورة في صفحة مستقلة
 

شوفوا واحد من الشباب وش يقول عن عبايات البنات الحين000
قديم منذ /31-03-2008, 10:02 PM   #2 (permalink)

عضو ذهبي

ورود الشمال غير متواجد حالياً

 رقم العضوية : 199246
 تاريخ التسجيل : Feb 2007
 المكان : منتدى الشريف التعليمي
 المشاركات : 1,294
 النقاط : ورود الشمال is on a distinguished road

افتراضي

اكره العبايات اللي طالعين فيها بهذا الزمان
عباية مخصرة عباية الفراشة وعباية فرنسيه ,اصلاً فرنسا وش عرفها عن الدين والحشمة
العباية والحجاب اللي على الضوابط الاسلاميه عمرها ماتحرم المرأة من انها تقدم رسالتها وابداً مايدل على التخلف بل يزيدها جمال على جمالها لانها حفظت نفسها من نظرات الجائعين ,وسترت نفسهاوحفظتها لمن يستحقها,, وكل الرجال عموماً لما يشوفون أمرأة تصون نفسها ومحتشمه يملؤها الخجل يقفون احتراماً ولا يمسونهن بسوء لكن من اظهرت زينتها ومفاتن جسدها كانت مثل البن بدون غطاء يحط عليه حتى الذباب ..

نقره لعرض الصورة في صفحة مستقلة








التوقيع
نقره لعرض الصورة في صفحة مستقلة
 
شوفوا واحد من الشباب وش يقول عن عبايات البنات الحين000
قديم منذ /31-03-2008, 10:40 PM   #3 (permalink)

(سهام الخير) غير متواجد حالياً

 رقم العضوية : 244192
 تاريخ التسجيل : Sep 2007
 الجنس : ~ MALE/FE-MALE ~
 المكان : jeddah
 المشاركات : 12,915
 النقاط : (سهام الخير) is on a distinguished road

افتراضي

الله لايبلاااااااااااااانا من هالعبايااااااااااااااااات إللي طالعين فيها الفراشة والخفاش ماباقي إلا يطلعون لنا عباية الناقة ههههها..

مالك غلا الدين والحشمة وأنا اختك والله يوم فرض الحجاب فرضة ستر لنا موب فتنة للرجال وأنا ما اعرف هؤلاء المتخلفين هم يمشون دايما عكس الناس لية؟؟

نسأل الله لهم الثبات في الدين ويوم الآخرة..
تسلمين ياغالية المنتدى...
سهام








التوقيع
جمال الحياه وعدمه , قرار تتخذه نفسي ولاتفرضه علي الحياة

,
,

مهما خذلتنا الأيام هناك بصيص أمل قادم من رحم المعاناة
شكر عميق لله , ولكل الأشياء القادرة على إسعادي
,
 
شوفوا واحد من الشباب وش يقول عن عبايات البنات الحين000
قديم منذ /01-04-2008, 02:18 AM   #4 (permalink)

عضو ماسي

صك الباب غير متواجد حالياً

 رقم العضوية : 193404
 تاريخ التسجيل : Jan 2007
 المشاركات : 3,676
 النقاط : صك الباب is on a distinguished road

افتراضي

نسأل الله تعالى الهدايه لبنات و نساء المسلمين








 
موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
(( حملة شباب الكلوركس من الشباب للبنات اللي يلبسون عبايات مخصرره )) غيمة سما المنتدى العام 1 25-07-2008 12:54 AM
التدخين من الشباب الى البنات ابولمى منتدى التوجيه والارشاد 0 28-04-2008 07:27 PM
يا أهل المناصب هل تعلم بأن المنصب مثل (كرسي الحلاق) واحد يقوم واحد يجلس,,,, فروسي2 المنتدى العام 6 22-01-2007 10:12 PM
طلعت هكر وسرقت ايميل واحد من الشباب تعالوا شوفوا وش صار!! المتبوتق المنتدى العام 13 17-12-2006 11:41 PM

جامعة نجران

Ads Organizer 3.0.3 by Analytics - Distance Education
الساعة الآن 12:40 PM

  • روابط هامة
  • روابط هامة
LinkBack
LinkBack URL LinkBack URL
About LinkBacks About LinkBacks

SEO by vBSEO 3.6.1