Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Armco FX هي شركة وساطة واستثمار عالمية مرخصة ومتخصصة في أسواق المال العالمية.
العسل الحر

منتديات الشريف التعليمية

المنتدى العام يمكنكم في هذا القسم المشاركة في كافة المواضيع التي تهم التعليم وغيره

موضوع مغلق
وشوله نداوم هـ ( الاسبوعين ) ؟؟؟
وشوله نداوم هـ ( الاسبوعين ) ؟؟؟
قديم منذ /07-04-2008, 01:42 AM   #1 (permalink)

عضو فعال

المعلم المنسق غير متواجد حالياً

 رقم العضوية : 19775
 تاريخ التسجيل : Sep 2003
 الجنس : ~ MALE/FE-MALE ~
 المشاركات : 52
 النقاط : المعلم المنسق is on a distinguished road

افتراضي وشوله نداوم هـ ( الاسبوعين ) ؟؟؟

بسم الله الرحمن الرحيم

السلام عليكم ورحمة الله وبركاته : ...

اليوم ... نسأل الله الإخلاص وأنا اصحح دفاتر الطلاب,,, طبعا حنا يا المدرسين ماعندنا وقت فراغ ,,, فحنا مشغولين على طول وقت الدوام ,,, حتى الحصة اللي انت مستريح فيها يشغلونك فيها بانتظار ,,, أو تصحيح ,,, أو ينشب في حلقك ولي أمر طالب وازته مرته وهو مايدري وش فصل ولده ,,,الحاصل يا الربع كنت غايص في كومة هالدفاتر والله من زين خطوط هالطلاب وانت تقرا في دفاترهم تحس أنك قاعد تحل أصعب الألغاز ,,,وبينما أنا منهمك في حل الألغاز اقصد في التصحيح إلا ويجيني مراسلنا البنقالي وهو مسرع يبي يلحق على تغسيل السيارات ومعه ورقتين ,,, الورقة الأولى كان فحوى ماكتب فيها ترى مدرس 3/1 مسوي عملية قسطرة في قلبه ,,, واحتمال يتأخر شوي يعني :اطلق اللي في يدك واطمر بسرعه لفصل 3/1 ليّاهم يتطاقون ثم يعيّّب بعضهم بعض ,,, أماالورقة الثانية فهو تعميم من الوزراة ,,, كان جاي أمس بس للأسف مالحقت عليه: لأنها خلصت الحصة وأنا ماكملت الشرح ,,, فاظطريّت اني آخذ زود ربع ساعة كود أن فلذات اكبادي يستفيدون مني ولو شوي

اخذت اقرا في التعميم فكان فحواه :
1- ترى الأجازة اللي كنا نعطيكم إياها منول واللي بعضكم هالسنه درس صفوف أوليه على شانها تراحن هونا عنها ,,,يعني اغسلوا يديكم منها بكلوركس ..

2- الطلاب من صف أول الين خامس واللي كان مفروض يعطلون مع نهاية اخر يوم من الأسبوع السادس عشر ترانا غيرنا راينا يعني خلوهم يدرسون زود اسبوعين مع طلاب سادس اللي يختبرون ,,,عاد وش تدرسونهم ووش تعطونهم مهوب شغلنا أهم شي مدرسين المرحة الأولية لايعطلون وبس ...

عندما قرأت هذا التعميم حينها عرفت ليه استاذ 3/1 سوى عملية القسطرة ,,, كيف لا والمسكين كان حجزه لديرته أوكيه عصر آخر يوم من الاسبوع السادس عشر ,,, لا وازيدكم بعد من الشعر بيت ترى ليلة زواجه بعد حجزه بيومين ,,, الرجال دفع قيمة القاعة ووزع بطقات الدعوة ...

يامن اصدر هالقرار تكفى وقف والتفت لي شوي واسمع مني هالكلمتين وعقبها سو اللي تبي .
قبل ما أصدرت هالقرار هل افكرت في أولياء أمور الطلاب ؟؟؟ !ترى الله من واحد عنده طالب في سادس وفي خامس أو رابع أو مادون ذلك ,,, فهذا بربك وش بتكون حالته ؟؟؟
تراك بقرارك هذا وربي شقيت بولي أمر الطالب ,,, وعز الله انه يبي يدعي عليك في هالسبوعين قايم قاعد ,,, أجل تبي هالموظف يتسأذن من عمله في اليوم مرتين ,,, مرة الساعة 9 على شان يرجع ولده اللي في سادس فهو بيصير مخلص اختباره,,, ثم الى جت الساعة 12 تلقاه مظطر يتهاوش مع مديره فهو يبي يستأذن مرة ثانيه على شان يجيب باقي عياله اللي خليتهم يدرسون زود اسبوعين ..
طيب أنا يامحاتسيك فكرت فيني ؟؟؟ والا شي أكيد ماطقيت لي خبر ,,, فأنا يامحاتسيك أدرس رابع وسادس ,,,, فبالله عليك وش تبيني أسوي وقت الإختبار؟؟؟ هل أدخل حصتي على رابع ؟؟؟ والا أصحح للسادس ؟؟؟ والا أراقب على سادس ؟؟؟والا افصخ ثوبي واطب من السطح تساد انك تستريح مني ؟؟؟ ترى ماعندي مانع اسويها بس طلابي فلذات اكبادي من اخليهم له ؟؟؟ فهم مايسقمون عني
طيب ولنفرض إني دخلت على صف رابع ,,, أو خامس ,,, أو غيرهم ,,, فجعلي ما ابتسيك وش تبيني اشرح لهم ؟؟؟ خصوصا أن توزيع المنهج في الكتب المعتمدة من الوزارة مقسمة على 15 اسبوع,,, وحنا هالحين بندرس 16 أسبوع,,, وبهذا القرار بتصير 18 اسبوع وياقلب لاتحزن افتونا مأجورين...
ويامن أصدرت هذا القرار ترى عندنا مدرسين ياخذونهم الثانوي ,,, على شان يراقبون على طلابهم ,,, وانت يمكنك بعد عارف ان عندنا كنترول يعني فيه مدرسين يستلمون الكنترول ,,, ومثلك خابر ان الكنترول يحتاج الى مدرس مسؤل عن تسليم الأسئلة ,,, ومدرس آخر مسؤل عن الإستلام,,, ومدرس آخر مسؤل عن إدخال الدرجات,,, ومدرس آخر مسؤل عن تلقين من يدخل الدرجات,,, يعني ترى الدعوة وأنا أخوك تبي تصير فوضة ماعقبها فوضة فترى ماعندنا استعداد نخلي اربعين بزر في حجرة بالحالهم ماعندهم مدرس ,,, لعنبو بليسك والمدرس عندهم نقول يا الله السلامة ,,, فمابالك وهم ماعندهم أحد !!! فأنت مستحيل تخلي عيالك لحالهم نصف ساعة ماعندهم أحد أما تطاقوا هذا وهم أخوان,,, أجل لوهم مهمب أخوان أو كل واحدن من دولة وش تسان ؟؟؟
ولاتنس ان فيه حديث عن الرسول صلى الله عليه وسلم فيما معناه المسلمون على شروطهم فأنت بقرارك هذا نقضت عهدك اللي الزمت به نفسك لمدرسين المرحلة الاولية,,, فهم ترى ماوافقوا على تدريس الصفوف الاولية الا على شان هالميزة,,, وبما انك أنت نقضت عهدك فلاتلمهم لو قالوا بعد ترانا هونا معد نبي ندرس الصفوف الاوليه ...

فياعزيزي يفترض مثل هالقرار ينزل في بداية العام مهوب في نصف السنة,,, على شان المدرس يعرف وش له ووش عليه ,,, مهوب تجي في مثل هالوقت وتنزل مثل هالقرار ...

يامن أصدرت هذا القرار عطني اذنك ولاتخاف مانيب ماصعها لك بل سأهمس فيها بقولي :
ياليت لو تراجع قرارك مرة ثانية يمكن تغير رايك مثل ماغيرت كثيرا من القرارات وآخرها إجازة الأمومة ,,, فمثل ما أنت عارف أنها عادت الى القرار القديم 60يوما بعد ماعدلت الى 40يوما
اسئل الله التوفيق لي ولكم ولجميع الطلاب فهم فلذات اكبادي







مــنــقــــــوووووووووول







 

موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
وقت الدوام ....خلال الاسبوعين القادمين ؟ القاصي المنتدى العام 39 29-06-2008 03:39 AM
اعصار قادم يرجح وصوله الى الرياض 2000 المنتدى العام 23 06-06-2007 08:31 PM
هدية ثانيه للعيد قبل وصوله القلم الراقي منتدى التصاميم والجرافيكس 6 01-11-2005 04:47 PM
مبارك لابن الوطن وصوله إلى الرقم ألف في مشاركاته محب العربية المنتدى العام 6 14-07-2003 07:30 PM

جامعة نجران

Ads Organizer 3.0.3 by Analytics - Distance Education
الساعة الآن 04:03 AM

  • روابط هامة
  • روابط هامة
LinkBack
LinkBack URL LinkBack URL
About LinkBacks About LinkBacks

SEO by vBSEO 3.6.1