أولا أعرف لك المناوبه :

هي تكليف من قبل كلاب الوزارة للمعلم ( المسكين ) للقيام بمهام الحارس ( ينطق عند الباب ) بالشارع وبشمس القايله
بعد وقفته 6 ساعات بالفصل والكلاب يقرون الجرايد على مكاتب فخمه تحت براد التكييف ( السبليت )

أما المناوب :
فهو المعلم ( الغبي ) اللي يقرى تعاميم كلاب الوزارة ويطبقها على نفسه !

وكيل ادم ... ليش الزعل هذا تنظيم نحافظ من خلاله على ابنائنا بالمدارس .. المناوب يحثه على الصلاة وحضور الحصص والابتعاد عن رفقاء السوء ... الست معي اخي الحبيب ؟ الايوجد لك ابناء يدرسون ويهمك وجود المناوب يساعدهم حتى في شراء فطورهم من المقصف ويجلس معهم ينتظرك لوتاخرت عليهم نهاية الدوام ... الا ترى اخي وانت ( وكيل ادم ) ان الكلب حيوان نجس لا يصح ان ننعت به انسان مسلم .. لك حبي وتقديري

اسمح لي أعدل عنوانك إلى :
مهام الاشراف وليس المناوبه فالفرق أن المشرف مسئول عن متابعة الطلاب بالفسح والصلاة فقط ( يشرف ) أثناء وقت الدوام الرسمي
ويقوم به عدد من المعلمين معا كل معلم يختار يوم بالأسبوع فنجد بالسحة غالبا 4 أو 5 معلمين معا يوميا وهذا نتيجة عدم تأمين مراقبين طلبه بالمدارس

أما المناوب فهي غير ذلك وهي البقاء بعد خروج الطلاب كما أشرت سابقا وهذي مالها سنع خاصة أن بكل مدرسة حارس ودور الحارس يبدأ من نهاية الدوام
ولا مالقوا إلا هالضعيف كلش عليه !

شوري عليك لاتعارض طق التوقيع وقل بخاطرك هين خبر هندي عندي !

لاتنسى إنهم غير مقتنعين بتعاميمهم ولا بمدارسهم والدليل إن عيالهم بمدارس أهلية
أقول لك شي تكرم الكلاب عن لحاهم !
إلا وش اخبار شركة كاكو عساهم ألغوها يمديهم شبعوا من فسحة هالبزران .

كل موظفي الدولة مايكلفون بعد نهاية الدوام إلا ويصرف لهم خارج دوام مبلغ وقدره

إلا هالضعيف المعلم يجبر بتعميم بالبقاء بعد نهاية الدوام مجانا !
وليتهم معطينه حقه حتى المستوى المستحق نظاما حارمينه منه ماقلت لك تكرم الكلاب عنهم !


إرجع لنظام الخدمة المدنية ودور فقره تلزم أي موظف بالبقاء دون مقابل !

أنا مع الاشراف أثناء وقت الدوم عادي مافيها شي لكن ضد إلزام المعلم
بالبقاء بعد وقت الدوام الرسمي بمجرد تعميم يخالف أنظمة الخدمة المدنية وبدون مقابل

لاحول ولاقوة الابالله العلي العظيم