يامدير المدرسه يالكريم ابن الكرام =
هاضت اهجوسي وغنيت قاف احلى كلام =
والسماء صحو" ولا ضرها غيم و عسام =
ياهجوسي قولي الصدق والعلم الاكيد =
يامدير المدرسه ويش اخلي ويش اقول =
وضعنا معاد ينطاق ليته مايطول =
وضعنا مايرضي اهل الفكر واهل العقول =
ياهجوسي هاتي الحل والراي السديد =
الجداول يامديري بها ميل وعدال =
بعضها ستة حصص بالعدد مابه جدال =
وبعضها كامل نصابه ولله الكمال =
ياهجوسي مابها نقص والزايد يزيد =
وفوقها حصة رياده مع خمس احتياط =
والمصيبه بعض الاحيان به حصة نشاط =
وفترة الفسحة بها كرف مافيها انبساط =
ياهجوسي مدري ان شقي ولاّ سعيد =
ون تاخرت اصبح اسمي تحت خط" حمر =
ون نسيت احضّر الدرس جا لفت النظر =
وباختصار المدرسه كلها هم وقهر =
ياهجوسي رب الارباب يفعل مايريد =
وختمها صلوا عدد من يحج ومن يصوم =
وعد ماتغزي جيوش الهدي فرس" وروم =
على نبي الهدى كل ليل وكل يوم =
واسمحولي كان قصرت في بدع القصيد =