Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Armco FX هي شركة وساطة واستثمار عالمية مرخصة ومتخصصة في أسواق المال العالمية.
برنامج مدرستي نت - عصر التحول الرقمي
العسل الحر


منتدى شؤون المعلمين والمعلمات ييهتم بكل حقوق وواجبات وقضايا المعلم والمعلمة

موضوع مغلق
الصيلد مع بنته جنى والفروقات (قصة)
الصيلد مع بنته جنى والفروقات (قصة)
قديم منذ /05-07-2009, 08:57 PM   #1 (permalink)

عضو فعال

الحضار غير متواجد حالياً

 رقم العضوية : 18535
 تاريخ التسجيل : Sep 2003
 المشاركات : 75
 النقاط : الحضار is on a distinguished road

افتراضي الصيلد مع بنته جنى والفروقات (قصة)

الحلقة الأولى :




في صباح يوم مشرق وكالعادة شغلت سيارتي البرادو (مترزز فيها)

وأخذت بنتي إلى مدرستها وبينا نحن في الطريق اسمع لبنتي سورة العلق بالسيارة

ورفعت ضغطي لأن حفظها ماهو كل ذاك وانقهرت البارحة طول الوقت احفظها

وهذي آخرتها بلعت ريقي وفلت لها شاطرة يا ماما ، وأنا أقول في خاطري الله يخلف علي

المهم خلصت التسميع بعد طلعت الروح وقربنا من المدرسة ، عندها قفز إلى خلدي سؤال

جنى وش ودك تصيرين إذا كبرت ؟

قالت وبكل ثقة : مدرسة

قلت يا ماما نقره لعرض الصورة في صفحة مستقلة

ليه مدرسة ؟

قالت لأني أحب أبلة رشأ نقره لعرض الصورة في صفحة مستقلة .


أوقفت السيارة وقلت أنزلي يا أبله جنى نقره لعرض الصورة في صفحة مستقلة .

جنى : بابا ما معي فلوس

الصيلد : طيب

طلعت المحفظة ، أقلبها مافيه غير عشرة ريال (تكة وحدة)

والمشكلة البنزين على نهايته ومدرستي بعيدة ،والرصيد بالسالب

الصيلد : جنى أمك ما أعطتك من الريالات المصروفه

جنى : لا بابا ، بسرعة يا بابا .

طلعت العشرة وجهي مثل الخيار المخمج نقره لعرض الصورة في صفحة مستقلة

أخذت العشرة وهي مبسوطة للآخر

وصكت الباب خلفها بقوة ، تنرفزت بقوة (تعرفون ليش)

جعلك ما تشوفين ، كسرت الباب .

رجعت بنتي ، وفتحت الباب ، وقلت يمكن تقول آسف

جنى : بابا أشتري بالعشرة كلها

الصيلد : خوذي راحتك وباشري على خوياتك بعد

صكت الباب برفق هذي المرة ودخلت المدرسة

كان المشهد لا يتعدى دقيقة

ولكنها كانت عصيبة على الصيلد

السيارات من خلفي : طاط طاط

طيب طيب

حركت الموتر

ذاهبا إلى مدرستي


يتبع







التوقيع
مطالب المعلمين و المعلمات هنا :

مرآة المعلمhttps://www.mirror-teacher.com/form/index.php
 

الصيلد مع بنته جنى والفروقات (قصة)
قديم منذ /05-07-2009, 08:58 PM   #2 (permalink)

عضو فعال

الحضار غير متواجد حالياً

 رقم العضوية : 18535
 تاريخ التسجيل : Sep 2003
 المشاركات : 75
 النقاط : الحضار is on a distinguished road

افتراضي

الحلقة الثانية



أخذت طريق المدرسة


يا قهر لو أخذت العشرة اللي مع الأبلة جنى


ما كان أبرك وخليت الكرم الحاتمي


وفجأة قطع حبل خواطري


اهتزاز السيارة ...الله يستر


لا تطفي علي


وهالحين أبي أقرب محطة


وين .. وين أيوه صح


محطة النخيل على دربي


تكفين يا البرادو ولك عهد لو وصلتيني


لغسلك بستم مع الراتب


دربق .... دربق .... دربق


الحمد لله وصلت


لبقت السيارة وطفيتها



الصيلد : صديق 91 بسرعة ... بسرعة


العامل : بكم عبي بابا ... فٌل


الصيلد : وجهي وجه فل الله ياخذ ذا الوجه


كان صراف الأهلي قدام وجهي


قلت يا ولد يمكن الله هدى الراجحي وترك كم ريال


يقولون يحب الخير نقره لعرض الصورة في صفحة مستقلة


طلعت الصرافة وبعصتها في الماخوذ


الرقم السري أبشر ****


استعلام عن الرصيد


طولت الصرافة علي


قلت والله بعذرها وش راح تلقى


الرصيد : 160000,67 ريال


فتحت فمي فركت عيوني وعورني قلبي


بحياتي ما ملكت مثل هذا البلغ


ما صدقت ويدي بدت ترتعش


قلت يا ولد خلني أجرب وأسحب 100


(على قد تفكيري بالمائة وتحت)


بسم الله


لحظات 100 ريال بيدي


أخذتها وأخذت البطاقة



الصيلد : كم عبيت يا صديق ؟


العامل : ما في قول أنت


يا حمار عمك الصيلد تسأله بكم ؟


فل



يتبع







التوقيع
مطالب المعلمين و المعلمات هنا :

مرآة المعلمhttps://www.mirror-teacher.com/form/index.php
 
الصيلد مع بنته جنى والفروقات (قصة)
قديم منذ /05-07-2009, 08:59 PM   #3 (permalink)

عضو فعال

الحضار غير متواجد حالياً

 رقم العضوية : 18535
 تاريخ التسجيل : Sep 2003
 المشاركات : 75
 النقاط : الحضار is on a distinguished road

افتراضي

الحلقة الثالثة


أممممممم


من وين جتني الفلوس


ماهو معقول


160000,67 ريالنقره لعرض الصورة في صفحة مستقلة


يا قلبي ودي اتشقق من الفرح



معقولة صرفوا لنا الفروقات


لا مستحيل ابو جنى فكر بالشيء المعقول


الوزارة زين إن ما خصمت علينا


يا ولد خلني ألبق عند بقالة أبو ماجد


(هذا مدرس عندنا منتفخ وكل يوم جايبن الجرايد


ويروح اليوم ولا قرا إلا حاجة بسيطة


هذا إذا سلمت من مطوع المدرسةنقره لعرض الصورة في صفحة مستقلة


يقطعها لأنها تحتوي صور)


المهم يمكن كسبنا القضية


ونزلوها بالحساب اليوم


.......


هذي البقالة


يلا يا ابو جنى انقز مثل الذيب(إي هين)


الصيلد :عندك جريدة
العامل :ايش يبغى


الصيلد :انت ما تفهم جريدة نيوزبيبر
العامل : ما فيه يجي
الصيلد :متى يجي
العامل :ممكن عشرة دقيقة


الصيلد :يا صبح القشر
العامل :بابا اليوم فيه خبر مدرس


الصيلد :خبر ايش يا صديق
العامل :هذا معلم محكمة يقول ممكن مدرس
فيه ياخذ فلوس


الصيلد :اخس يا البنقالي
العامل :صح انته فيه مدرس


الصيلد :ايوه مدرس عمت عين الحسود
العامل :هذا مدرس فيه مزلوم (مظلوم)كثير


الصيلد :لا تبربر كثير
يا شين العامل لا عطيته وجه
العامل :جريدة في يجي


الصيلد :عطني عكاظ




الصيلد :معقولة


هذا موضوع نازل بالمنتدى
https://www.mirror-teacher.com/form/showthread.php?t=624


هذا والله من


الذيب أحمد الجمعان


المحامي القدير


الصيلد فك اللطمة


وابتسامة عريضة زي ذي نقره لعرض الصورة في صفحة مستقلة


واشتري لك ذلك المعمول اللي يحبه قلبك


وعلى المدرسة ادرعم


يتبع







التوقيع
مطالب المعلمين و المعلمات هنا :

مرآة المعلمhttps://www.mirror-teacher.com/form/index.php
 
الصيلد مع بنته جنى والفروقات (قصة)
قديم منذ /05-07-2009, 10:14 PM   #4 (permalink)

عضو ذهبي

معلم ترخ غير متواجد حالياً

 رقم العضوية : 47702
 تاريخ التسجيل : Oct 2004
 المشاركات : 1,904
 النقاط : معلم ترخ is on a distinguished road

افتراضي


وصلت المدرسة ولا باقي

صح النوم







التوقيع
نقره لعرض الصورة في صفحة مستقلة

اللهم اجعلنا ممن يورثون الجنان ويبشرون بروح وريحان ورب غير غضبان..آمين
 
الصيلد مع بنته جنى والفروقات (قصة)
قديم منذ /05-07-2009, 10:29 PM   #5 (permalink)

عضو مميز جداً

واحد محايد غير متواجد حالياً

 رقم العضوية : 356449
 تاريخ التسجيل : Jan 2009
 الجنس : ~ MALE/FE-MALE ~
 المشاركات : 430
 النقاط : واحد محايد is on a distinguished road

افتراضي

شـكــ وبارك الله فيك ـــرا لك ... لك مني أجمل تحية .








 
الصيلد مع بنته جنى والفروقات (قصة)
قديم منذ /06-07-2009, 12:54 PM   #6 (permalink)

عضو فعال

الحضار غير متواجد حالياً

 رقم العضوية : 18535
 تاريخ التسجيل : Sep 2003
 المشاركات : 75
 النقاط : الحضار is on a distinguished road

افتراضي

اقتباس:
المشاركة الأصلية كتبت بواسطة معلم ترخ مشاهدة المشاركة


وصلت المدرسة ولا باقي

صح النوم

تونا ما وصلنا المدرسة

لا تحرق الفلم

الله يهديك

شكل لك ما تلعت القصة







التوقيع
مطالب المعلمين و المعلمات هنا :

مرآة المعلمhttps://www.mirror-teacher.com/form/index.php
 
الصيلد مع بنته جنى والفروقات (قصة)
قديم منذ /06-07-2009, 06:08 PM   #7 (permalink)

عضو فعال

الحضار غير متواجد حالياً

 رقم العضوية : 18535
 تاريخ التسجيل : Sep 2003
 المشاركات : 75
 النقاط : الحضار is on a distinguished road

افتراضي الحقلة الرابعة

الساعة الآن 6:48

وأنا أوقف عند المدرسة ورازن خشمي

وافتح الباب الخلفي

وانزل معمول (أبو شهد) (اللي بالحلقة الثالثة)

نقره لعرض الصورة في صفحة مستقلة

واصلح الشماغ واتعطر

المدير : ليه متأخر يا استاذ ،ووش اللي معك
الصيلد : كل تأخيرة فيها خيره

المدير : وليش جايب ذا المعمول
الصيلد : اليوم قضية المعلمين والمعلمات

المدير : وانت مصدق إنكم راح تكسبونها
الصيلد : يعني ارجع المعمول

المدير : لا يبن الحلال
الصيلد : الصيلد يبتسم ويوقع على الحضور
شف يا ابو عبدالعزيز الخبر اللي بالجريدة

المدير : أي جريدة
الصيلد: نسيتها بالسيارة ، لحظة أجيبها واجيك
وهات القهوة خلنا ننبسط مادام خلصت الاختبارات

المدير عجل لا أخلص عليك الحلا
....
.....

الصيلد: سم شف الخبر في العنوان
الحكم في قضية المعلمين ضد «التربية» غداً
المدير: هات الجريدة خلنا نقرأ
الصيلد: خذ راحتك
وأزيدك من الشعر بيت
نازل لي مبلغ يا ابو عبدالعزيز في حسابي
تخيل 160000
المدير: مستحيل

الصيلد : أنا قبل شوي مار على الصراف
وكان الحساب بالسالب

وشف الحين

المدير : أقول لا توهق نفسك
دق على الراجحي وشف وش المشكلة

الصيلد : لاني داق عليهم ولا شيء

المدير : وش بتسوي فيها
الصيلد : بحولها كلها على المحفظة حقتي
وباخذ توصيات أخوي (ثلج حار)
له موضوع رهيب اسمه
تحليل السوق + اتحاد اتصالات
https://mirror-teacher.com/form/showthread.php?t=523
تصدق كسبت معه في خلال اسبوع 30%
المدير : أبو جنى والله إنك مانت بطبيعي
الصيلد : أقول أنا باروح للبنك واحول الفلوس للمحفظة
وادهر بالأسهم وأصير هامور المدرسين
المدير : تقهو با ابو جنى ولا تحلم كثير
الصيلد : إلا على فكرة وين المدرسين ما جاء أحد
ومزعجني ليه متأخر
المدير : ياخوي طفشت لحالي لي نص ساعة وأنا بالمكتب
الصيلد : وش رايك بالحلا
المدير : ما شاء الله تمام
....
....

الصيلد :ابو عبدالعزيز شكلي بامشي
الساعة تسعة الحين

المدير : والله سواليفك يا ابو جنى حلوة
الصيلد : الصيلد يرفع قبعته قصدي عقاله
لهذا الاطراء
والله الحلا أنت يا ابو عبدالعزيز

يلا أشوفك غداً

المدير : وقع يا أبو جنى للخروج
الصيلد : ما يحتاج كالعادة ، من بكرة

وأنا أركب البرادو حبيب قلبي
وأقول في نفسي اليوم نغزو البنوك ولا تغونا

يا زين الدنيا لا صارت معك فلوس
تحس كل شيء يناديك

وكل يضحك لك نقره لعرض الصورة في صفحة مستقلة

وانا ألبق عند الراجحي بشارع بندة بالنسيم
وأنا ادخل البنك توه فاتح
ولا ذاك السكورتي

واقف عند الباب

السكورتي : وين يا الحبيب
الصيلد : صالة الأسهم
السكورتي : ما يدخل إلا اللي حسابه فوق 100 ألف
الصيلد : أجل وخر عن عمك ، وأطلع ايصال الصراف
السكورتي : المعذرة يا الحبيب
الصيلد : لا ما عليك

السكورتي : دايم يجون أبو نعيلة ويبون يدخلون
الصيلد : والله إنك صادق ياهم قلق وفوضى
الصيلد يشق طريقة لصالة الأسهم
.....

يتبع







التوقيع
مطالب المعلمين و المعلمات هنا :

مرآة المعلمhttps://www.mirror-teacher.com/form/index.php
 
الصيلد مع بنته جنى والفروقات (قصة)
قديم منذ /08-07-2009, 05:22 PM   #8 (permalink)

عضو فعال

الحضار غير متواجد حالياً

 رقم العضوية : 18535
 تاريخ التسجيل : Sep 2003
 المشاركات : 75
 النقاط : الحضار is on a distinguished road

افتراضي

الحلقة الخامسة :


صالة تدول الأسهم وهناك

لافته صغيرة كتبت بخط رسمي رتيب بالأزرق

(اللي محفظته أقل 100000 ممنوع الدخول)

طبعاً أبرزت أسناني بشكل ملفة للنظر نقره لعرض الصورة في صفحة مستقلة

وكنت مبسوط من نفسي للآخر

المهم

جيت عند الاستقبال

الصيلد :السلام عليكم ورحمة الله وبركاته
الاستقبال : استدار جهتي

هلا ، مو معقول أبو جنى

هلا والله بالغالي

الصيلد : هلا أبو محمد ما عرفتك والله (خراط فاضي)

أبو محمد : اتركنا من هالكلام
اللي لا يودي ولا يجيب

الصيلد : ما شاء الله طالع ملوسن
ابو محمد : وش جايبك عندنا
منت عارف أنها لل VIP

الصيلد: ابو محمد ابيك شوي
ابو محمد : عسى ما شر ، لا تقول لي سلف


الصيلد : شف لا اسمع هالكلام قدام أحد بعد اليوم
أبو محمد صديق ماشي ، لكن كلامك اللي قلته قبل
شوي لا عاد اسمعه

ابو محمد : نافشن ريشك علينا يا ابو جنى
الصيلد : الفقر ودعناه ، وتراك قطعة موظف لا رحت ولا جيت

(ابو محمد زعل وأخذ بخاطره حبتين)
الصيلد : شكل لك زعلت مني

أبو محمد : أي والله ، قبل بس دور رضاي وتضحك معي
والحين متفرعن علي ، وعلى ويش ، على الدجة

الصيلد : تبي تعرف بعد شوي المهم لا عاد اسمع كلامك السابق
ابو محمد : طيب طيب ، وش تبي الحين

الصيلد : حول من حسابي الجاري 160000
على المحفظة حقتي

ابو محمد : معك رقم المحفظة
الصيلد : تطلع عندك بالكمبيوتر
(آخر مرة تعاملت معها يوم طيت السوق الشهيرة)

ابو محمد : ابو جنى ما شاء الله صاير تاجر
الصيلد : هذي سالفة طويلة بعدين أحكيها لك

ابو محمد : ابو جنى الحساب الجاري اللي عطيتني بالسالب
الصيلد : كني ما سمعت

ابو محمد : أبو جنى رقم حساب الجاري كم
الصيلد :165608010284470

ابو محمد : الحساب بالسالب يا أبو جنى
الصيلد : كيف ياخي أنا مشيك عليها قبل ما أجيك
وهذا الإيصال

ابو محمد : صادق غريبة راجع البنك بسرعة
الصيلد :ما تقدر تشوفها من عندك
(الصيلد بدأت الايتسام تغادر محياه واصبح مرتبك قليلاً)

ابو محمد : ولا يهمك ، حنا نخدم الـ vip
الصيلد : يبلع ريقة اللي نشف ، وبالكاد طلغت كلمة شكراً

ابو محمد : بنك الراجحي ، أنا زميلكم في صالة الأسهم
البنك : سم وش عندك

أبو محمد : عندنا عميل مميز ، ويقول عنده 160000 ريال
كانت في حساب

البنك : طيب

ابو محمد : وعندي طالع بالسالب ، ويبي يحولها للمحفظة
البنك : عطني رقم حسابه

ابو محمد : 165608010284470

البنك : لحظات ،،،،، نعم حسابه بالسالب
ابو محمد : وين راحت دراهمه

البنك : هذا جاه تحويل خاطئ ، ورجعناه للمحول

ابو محمد : متأكد
البنك : أكيد ، وعلى فكرة سحب منها 100 ريال سوف تضاف على رصيده السالب

ابو محمد : شكراً لك

الصيلد : بشرني

ابو محمد : ابو جنى ممكن تعلمني منين جتك الفلوس
الصيلد : تعرف التجارة شطارة

ابو محمد : وغير هالكلام
الصيلد : افا خابرني كذاب يا ابو محمد
(طبعاً اسلوب ابو محمد بدأ يأخذ وضعية الهجوم
وأنا بالطبع وضعية الدفاع)

ابو محمد : البنك يقول الدراهم جاتك عند طريق تحويل خطأ لحسابك
وتم استرجاعه

الصيلد : ابو محمد تكفى قل غير هالكلام

ابو محمد : ابو جنى أنا خابرك وعاجنك،خلك على طبيعتك

التصنع شين وانا اخوك

الصيلد : (وهو يجر اذيال التعب والخيبة) وين باب الخروج
ابو محمد : شفه وراك ولا تنسى تقرا الورقة اللي باللون الأزرق

الصيلد : ابشر
وعند الباب رفعت رأسي لانظر الورقة
فإذا هي الورقة التي قبل قليل
(اللي محفظته أقل 100000 ممنوع الدخول)
أخذت قلم السبورة اللي ما يغادر جيبي

وأضفت
(أو موظف في وزارة التربية والتعليم)

يتبع
الحلقة الأخير







التوقيع
مطالب المعلمين و المعلمات هنا :

مرآة المعلمhttps://www.mirror-teacher.com/form/index.php
 
موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

جامعة نجران

Ads Organizer 3.0.3 by Analytics - Distance Education
الساعة الآن 12:06 AM

  • روابط هامة
  • روابط هامة
LinkBack
LinkBack URL LinkBack URL
About LinkBacks About LinkBacks

SEO by vBSEO 3.6.1