Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Armco FX هي شركة وساطة واستثمار عالمية مرخصة ومتخصصة في أسواق المال العالمية.
العسل الحر

منتديات الشريف التعليمية

المنتدى العام يمكنكم في هذا القسم المشاركة في كافة المواضيع التي تهم التعليم وغيره

موضوع مغلق
مقتفات من شعر نايف صقر صاحب الاسلوب الشيق
مقتفات من شعر نايف صقر صاحب الاسلوب الشيق
قديم منذ /08-01-2010, 09:54 PM   #1 (permalink)

عضو نشط جداً

الاستاذ2010 غير متواجد حالياً

 رقم العضوية : 447532
 تاريخ التسجيل : Nov 2009
 المشاركات : 295
 النقاط : الاستاذ2010 is on a distinguished road

افتراضي مقتفات من شعر نايف صقر صاحب الاسلوب الشيق

الموت حظ القلـم والمجـد للدفتـر
حبر القلم غلطتي وايامـي اوراقـي
الخوف يجتاحني وجه الطريق أسمر
راح اكثر العمر ياخوفي على الباقـي
ياجرح رافقتنـي للنـاس لاتظهـر
وان عشت في نظرتي مامت باعماقي
ياصوت لاتلتحف صمتي ولاتصبـر
قل ماتبي واترك الهقوه على الهاقي
والخطوه اللي عن آخر سكتي تقصر
ماهيب من طبع رجلينـي ولاساقـي
مانيب من عاش لايربح ولا يخسـر
ولاهو ضرري تكون أفعالي أخلاقـي
ثراي ماينشد الغيمـه متـى تمطـر
مادامها في سماي تحـن لاغراقـي
رح وين ماتشتهي رح قـد ماتقـدر
أنا اول الناس في قلبك وانا الباقـي
يكفيني انك تعذبنـي وانـا اتفجـر
قصايـدٍ تنتظرهـا كـل عشـاقـي
وانا قصيدي يجي مختارني مهجـر
وأنبت عشانه نخل وسنيني الساقـي






تمرك كن عاتقها غريمك وتخضع لك عيـن
واعز رموشها لاعـاودت ترعـاك وتذلـه
تبيك تحس فيها لارنت لك ياوعـل يبريـن
ولكنك خلي والربع الخالي وانت خـال لـه
جفول لاهدت يسلى بها الديـان راع الديـن
واذا مالت يميل لها البعيـد ويعتـدل ظلـه
تخاف من ختول وقبسة البـارود والسكيـن
وتسلم من عطيب الرمي والرماي فاطن لـه
تباري راعي البندق وتحت ضلوعها قلبيـن
تحت صدرين ضلع من فرار وضلع من ذله
يلاعبها الحبل وتلاعبه بالحبـل والحبليـن
محبتها((مراجـيـح الطفل))وفوادهـا:دلـه
يراودها السدر عن فيته ويشمها النسريـن
لو ان العـرق ماينبـت رياحينـه ولا فلـه
وكن الطلح في قرونك تخشب والشجر قرنين
وليتك ياوعل قرن الهزيـل تعـف وتزلـه














صليت شفعي ولا سجيت عن وتـري
ومن الوله فاضت أنفاسي على ثيابـي
قلت اكتب الحب واقطع حيرتي وأسري
لين أصل الصبح وأشرف على غيابي
حبيبتي ما بعدك أحباب فـي صـدري
واللى قبل لا أعرفك خليهـم أحبابـي
كان المحبه خطـاي اتقبلـي عـذري
الحـب سكـه لعينـك دلـت أركابـي
الحب قبلك دجـى وسهـاد يافجـري
لو قبلك أقمار فـي ظلمـاي وكتابـي
أفداك وأفدى ليالي رمشـك الخـدري
اللي إذا همـت فـي نجـلاك حيابـي
وأحن لك ماخفق ريش وسجع قمـري
وأشتاق لك ماحزنت وماضحك نابـي
حبيبتي مالك جـروح وأقـول أبـري
ولا لك ادموع في شكـواي وأهدابـي
ياما دقايق وصالـك طولـت عمـري
وياما الشتا في يديني من يدك ذابـي
عقب الظما كنك الما في عطش تغري
والفيـه البـارده لخطـاي وأتعابـي
عنك أسألوني رفاقي وأحرثوا حبـري
وأنا اللي أخفيك بين رضاي واعتابي
مابي عن الحب حساد الهوى تـدري
لو كان هم من هلي وإلا من أصحابي
سألت عنك الرياض ورددت حضـري
ولديت يم الفيـاض وقالـت اعرابـي
قلت أكتبك ونخلي مايل علـى تمـري
وأقريه موزون من صنعي وهندامـي









يهز غصن الرجاء نسنـاس
وأنا اجمع الدمع مـن خـده
لازلت احس بتعب واعماس
يعـاود البـال مـن مــده
لابـاس ياخاطـري لابـاس
السيـف مايجرحـه حــده
والقلب لولا عليـه اقـواس
لا فـز بعروقـه تـصـده
يمديـه لاهـزه الهوجـاس
يشقـق الصـدر ويـقـده
لي صاحب ناعـم حسـاس
اغلـيـه بالـحـيـل واوده
يقول لي في حشاه إحساس
مانيـب كبـره ولا قــده
ويقول احبك واحس بيـاس
والأمر ماهـوب فـي يـده
قلت أه يالمطـرق الميـاس
من طاري البعـد والصـده
في عيونه عيونـه النعـاس
يبني لـي الشـوق ويهـده
والظبي والليـل والقرنـاس
وما لا أقدر احصيه واعـده
ياليتي اجمع قلـوب النـاس
أشباه والضـد مـع ضـده
واحبك بها بـدون اقيـاس
ليـن العمـر ينتهـي حـده
يازين ما في البعاد اونـاس
ان كـان لـي كفـك تمـده
عطني لعيني بعدك انعـاس
لا تاخـذ الـنـوم وتـلـده
وعطني لنسيانك الاجـراس
وقلبـي علـى مهجتـه رده
وأنا اوعدك واوعد القرطاس
بالحب في الليـن والشـده


يابير طيك طـي واعماقـك اعمـاق
ويعيش بك داب وحمامه وعصفـور
فاضت عيونك ماك وابتلـت احـداق
وتنهـدت منـك محالـه النـاعـور
يوم انبطت روحك سجدتـي لخـلاق
وعقب ارتفع جمك ضحكتي مع النور
ويوم انهمر دمعك خضعتي على ساق
ويوم انكسر حجلك زعلتي على الحور
ياما بـك الرمـان زهـر فـالاوراق
لين اكتنز في حلـق نحلـه ودبـور
وياكم وردك وصدرك ضيـن ونيـاق
وياكم بهج جمـك بعاريـن وصـدور
وياما رطب نخلك تعسـل فالاريـاق
وياما طحين ارضك تقسم على الدور
وياما وهبتي جـل وافنيتـي ادقـاق
وياما هماجك حل في الخصب والبور
شفتك وانا قلبي على صلدك ارقـاق
وحسيت في حنجرتي عظام وكسـور









كلّك تعالي غلا .. والا ارجعي كلّـك
بعض الغلا منك ما يستاهـل الجيّـه
طالت وانا في رجا ليتك .. وياعلـك
أوراق بالذاكره .. واوراق منسيّـه
ما بل ثوبك مطر شوقـي ولا بلّـك
لوعلّتك من سحاب الروح وسميّـه
ليه امشي الدرب دامه ما يوصّل لك
تخاف رمضا الضياع اقـدام رجليّـه
يا بنت تو الهوى ما صرت انا خلّك
للحين .. ما زالت الصوره رماديّـه
ومازال بعض الغموض الشره يحتلّك
وشلون انا اعشقك واحبك على النيّه
اشوفك هناك قدّامـي .. ولا ادلّـك
صعب الكتابه ليا صار الورق ميّـه
إن كان شمسك تساومني على ضلّك
ما عاد ابي منك لا شمس .. ولا فيّه
اما تعالـي لقلـبٍ فـز لـك كلّـك
والا اتركيني ما ابي لك بالهوى جيّه










سجد قلبي على رمل الضلوع وهـزه التنهيـد
وانا في جوفي خيام الندم والخوف منصوبـه
يارب افهق هلاكي والمنايـا والـدروب بعيـد
مـادام المودمانـي للتـراب تقـوده دروبـه
ياغياث الضوامي والثمـام وجرهـدي البيـد
اعذني من جهنم والحشر والمـوت وكروبـه
انا مانيـب لامشـرك ولافاسـق ولاعربيـد
انا اللي لاعصى واخطا تجهم واقلقـه ثوبـه
وانا اللي يرتجف مثل ارتجاف الخايف الرعديد
ليا شاف القبور الضيقـات وحـس بذنوبـه
انا عبدك ولد عبدك وجدانـي هـل التوحيـد
خطايـاي اخجلتنـي يالله الغفـران والتوبـه
انا الانسان حمال النقايـض والكمـد والكيـد
غريق الطين واللذات مـن راسـه لعرقوبـه
انا عبدك ياربي وانت تفعل ما تشـاء وتريـد
سالتك يالله العفـو العظيـم وهيـن دروبـه












يانية النسيان موتـي داخلـي غيـظ وظمـا
عليك من حبي لها في داخي موت وسيـاج
حبيبتي نجمه تغنت فـي ملامحهـا السمـا
حبيبتي صرخه على الوقت الرمادي واحتجاج
حبيبتي جمله عتب مزمن على شفـة عمـي
حبيبتي شوكى غصون الورد لأيام العجـاج
حبيبتي غصن اخضر .. لين على دربي نما
لو كسرتني في كفوف الوقت تكسير الزجاج
لعيونها كل الجروح استعذبت نـزف الدمـا
ولعيونها جفن السهر صارت له الدمعه مزاج
أسترجع الماضي واناديها تعالـي لـى كمـا
غيثٍ يبشر بالحيا سيله وسيعـات الفجـاج
والا تعالي لي مثل طيـفٍ تهـادى وارتمـى
داخل عيوني لو يسافر بين رمشي والحجاج
حتى تعيش الخطوه اللي رافقت درب الظمـا
وانا اجعلك للهامه اللي مانحنت للناس تـاج














صاحبي لاعـاد تشعبهـا مسافـه
وأنت تاركني على ورك المطيـه
لاتعرضنـا المضامـي والكلافـه
وارتحالات السـراب السرمديـه
إترك الـوادي وتغريبـة ضفافـه
للدفـوف وللحـون السامـريـه
العتب قد قلت لـك مانـي بخافـه
أنا اخاف اللي يقفي عـن خويـه
والشتا لاجاك في بـرده صلافـه
سامـر الموقـد وزر الفرملـيـه
والخريف إنحت في كفوفك جفافه
قابلـه بالحـب وعيونـك نديـه
قيس ليلى نبضة في صـدر قافـه
قد نقشهـا فالصخـور العامريـه
واصبحت ليلى الحقيقه والخرافـه
لاهي الدمعـه ولا العيـن الخليـه
لو كلامه مر ف رقبـة الزرافـه
ماتعجـرف بالطـروق العجرفيـه
بنتلاقى قبل الارض من الحسافـه
دامنـا خـلان وقلـوب غنـيـه
















التوقيع
لاإلـه إلا أنـت سبـــحـانك إني كـنت من الــظالـميــن

التعديل الأخير تم بواسطة الاستاذ2010 ; 08-01-2010 الساعة 09:57 PM
 

موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

جامعة نجران

Ads Organizer 3.0.3 by Analytics - Distance Education
الساعة الآن 10:57 AM

  • روابط هامة
  • روابط هامة
LinkBack
LinkBack URL LinkBack URL
About LinkBacks About LinkBacks

SEO by vBSEO 3.6.1