الجرسي المدرسي
رام ( 6 ) كفايات المعلمين [ تخصص فيزياء ]5
رام ( 5 ) كفايات المعلمين [ تخصص كيمياء]4
رام (1) الاستعداد لاختبار القدرات العامة
رام 1 في إختبار القدرات الجزء الكمي ( بنين - بنات )
رام 3 كفايات المعلمين ( الاستعداد لاختبارات الكفايات للمعلمين والمعلمات )0
رام ( 4 ) كفايات المعلمين ( تخصص رياضيات )1
[ الطبعة الجديدة ] رام ( 2 ) الاستعداد للاختبار التحصيلي
الجغـرافيا للمرحلة الثانويةمدونة الإجتماعيات 20142مواد الاجتماعيات للمرحلتين الابتدائية والمتوسطة بنين وبنات
سكربت المدرسة الذهبية3

العودة   منتديات الشريف التعليمية > منتديات المواد الدراسية > منتدى المواد العلمية > منتدى العلوم

منتدى العلوم هنا يوجد هنا يوجد لتحاضير ، توزيع المناهج ، أسئلة الاختبارات النصفية والنهائية للمواد العلمية ( (العلوم)

اضغط هنا للاعلان في منتديات الشريف التعليمية
موضوع مغلق
 
LinkBack أدوات الموضوع انواع عرض الموضوع
قديم 24-08-2010, 07:53 PM   #1 (permalink)
عضو جديد
 
تاريخ التسجيل: Aug 2010
المشاركات: 1
على طه اسماعيل is on a distinguished road
افتراضي مسرحة مناهج للصف الثالث الاعدادى (المناعة)

المناعه

مسرحه مناهج للمرحله الاعداديه

تأليف / على طه موجه مسرح

يدخل مجموعه فيروسات من جوانب متفرقه فى المسرح وهم يضحكون بصوت عالى

ف 1: هو كده الانسان عمره ما بيسمع الكلام ...شوفتوا بقى انا مهمتى سهله ازاى....

بعطسه واحده من شخص مريض تعبت جنبه 4 اشخاص تانيين

لكن انتوا عارفين يا اخواتى انا نفسى اسافر واتجوز من الصين

ف2: من الصين؟

ف1: ايوه الصين

ف اخر: اشمعنا الصين؟

ف1:لان الصين بيقولوا ظهر هناك فيرس خطير قال ايه بيتحدانى انا بصيب الانسان

لكن هوه قال ايه بيصيب الطيور وسموه انفلونزا الطيور.علشان كده انا بفكر اسافر الصين

انا قولت بدل ما كل واحد يشتغل لوحده اهو نتحد مع بعض ونعمل اتحاد او رابطه

شوف بقى ساعتها هنعما ايه فى الانسان وبدل ما يصيب الفراخ يبقى الانسان والطيور

ف 2:والله ده شئ جميل .... على قد حجمك يا صغير

انت عارف يا صاحبى مرضك ده ما بيستناش كتير يعنى يدوب مفيش اكتر من 3 او 4ايام

بعدها يقوم المريض يجرى قوام

ف1: لاحاسب مش بقولك انا عايز اسافر الصين

ده انفلونزا الطيور من هنا على ترب الغفير

ف2 انا بقى بكتم على نفس المريض شهور

ف اخر : الله واحد على ترب الغفير والتانى يكتم على النفس شهور مش ايام ؛طب ازاى؟

ف2 :ازاى؛ يا ابنى انت وهو وهو بقولكم انا فيرس العصر انا فيرس (بى) انا مستورد من

الخارج . انا يا اخوانى بلا فخر بصيب كل المهملين ... انا بدخل جسم الانسان ومكانى

فى الكبد تمام ماهو انا بسبب مرض التهاب الكبد المصلى

ف4 : ومال فيروسنا الصغير ليه زعلان؟.. مقمتش بواجبك النهارده ولا لقيت كل الناس على

على صحتهم محافظين؟

ف3: لاوالله انا زعلان لانى لاقيتهم كلهم عيانين ومن المرض متألمين .

ف1:معقوله ؛بقى ده اسمه كلام.. زعلان علشان لقيتهم عيانين طب ازاى؟

ف3:مريت زى العاده فى المستشفى على الناس السالمين لقيتهم يا عينى نايمين تعبانين

(تفتح ستاره فى الخلف على مجموعه دكاتره)

د احمد:انا نفسى اعرف سبب واحد لمرض الناس العييانين.. صحتهم تتحسن

وبين يوم وليله يرجعوا تانى عيانين

داسلام:معنى كده اننا هنبدامن جديد فى عمليه الفحص والتحليل

ممرضه1:انت بتستعملى الحقنه الواحده لواحد واتنين ؟ ده كده غلط .. ده بكده

احنا بننقل الامراض للناس بأدينا

ممرضه2:يا ستى ...خليها على الله هوفيه سائل عن مسئول

د احمد : دكتور انت سرحان فى ايه؟ انا بقول معنى كده اننا نبدا التحليل من جديد

داسلام: ده اكيد بس المره دى لازم يكون فيه تدقيق

مره اخرى للفيروسات

ف1:قال ايه الممرضه بتكسل ترمى الحقنه بتاع العيانين وبتستعملها مع واحدواتنين

ف3:علشان كده بتتنقل العدوى للسليم ولقيتهم فى السراير نايمين ودى حاجه تزعل ؟

انت لازم تكون مبسوط ومرتاح لانهم تعبانين

ف2:انت لازم تكون فرحان...وجدنا الكبير هيكون مبسوط منك كمان

ف3:يا جماعه ....يا جماعه انا زعلان علشان قربت اموت من ....

الجميع: قربت تموت؟؟؟تموت ليه؟

ف:يمكن فيرس صابه وايه؟

ف2:يا عمى ولا يهمك المهملين كتير

ف1:وكمان المع..........

ف2:اسكت انت يا ابولسان طويل ..... يعنى مفيش تكشير

ف4يضحك بصوت عال) انا بقى يا اخوانى عمرى مارحت مستشفيات

ولا ركبت اتوبيسات انا شغلى كله بره

انا فيرس بتتكلم عنه الدنيا من افريقيا لحد الصيييييييييين

انا بلا فخرفيروس العصر ......انا بسبب مرض الايدز

الجد:ها يا احفادى ........ عملتوا ايه اليله ادى؟

ف1:انت عارف ياجدى طبعا انى سريع الانتشار..من عطسه واحده ركبت

زرات الغبار وبسرعه اصبت 100 فى الحال بالانفلونزامن طلع النهار

ف2:وانايا جدى بين كل دم ملوث وبين ادوات مريض نقلت العدوى قول ييجى

ل200 مريض

الجد:هايل ....عظيم.........والصغير ليه حزين؟

ف3:اصلى مكسوف

الجد:مكسوف؛ مكسوف من ايه يا حفيدى يا نمرود؟

ف4:قال ايه لقى كل الناس تعبانين...السلام منهم والعيانين

ف3:ايوه ده صحيح يعنى مالقيتش حد انقله عدوى اواصيبه بمرض...

لقيتهم كلهم عيانين

الجد: (يضحك)بالعكس يا حفيدى دا انت احسن من التانيين لانك تسببت

فى مرض الملايين

(مخاطبا ف4)وانت يا فيرس الملايين صبت كام مليون من المنحلين

ف4:انا فى مصر يا جدى مااصبتش اكتر من 200وده بسبب التدين والدين

الجد:عموما ده شئ جميل ..زبس انت فرصتك بره مصر كبيره

انا عايزكم تعملوا رحله لحد الصين اهو تصيبوا كام مليون والصغير

يرجع من هناك مكمل نصف الدين

ومع كل انا مبسوط منكم كلكم

خليكم على كده يا احفادى مواظبين ولابن ادم دايما مدمرين

(مشهد فى المستشفى

داحمد:الحمدلله ...الحمد لله بعدجهدكبير وفحص وتحليل قدرت اعرف سبب

مرض العيانين

داسلام:بتقول ايه يا دكتور ؟ قدرت تعرف سبب مرض العيانين

داحمد: ايوه ....الحمد لله

داسلام:طيب هو مين هو فين ؟....لكن دول مين؟

داحمد:دول يا دكاتره سبب مرض العيانين

د :معقوله ؛...دول سبب مرض العيانين

داحمد:ايوه هما دول سبب مرض كل العيانين

د :ايوه هما دول

د : ازاى؟

داحمد :ازاى بقى...انا جايبهم هنا وهما هيقولولنا السبب ايه ..وازاى

وطبعا لومقالوش هما عارفين هنعمل فيهم ايه.

د :احسن حاجه طالما هما سبب مرض كل العيانين نعدمهم فورا ونرتاح

منهم

ف1وف2:لاحرق لا.... حرام عليكم

د :الاعدام مش كفايه ...احنا نحرقهم ونخلص منهم زى هما ماقالوا

داحمد: يا دكاتره حلمكم شويه انت وهو وهو.احنا مسكناهم لكن لسه ما عرفناش

منهم حاجه يعنى لو حرقناهم او موتناهم مش هنقدر نوصل لسبب المرض

دكتور : دة صحيح

فيروس: الحقنا يا دكتور (احمد) احنا اتفقنا لو قلنا الحقيقة تسامحنا ونرجع لاولادنا

دكتور: ترجعوا تانى علشان تهاجمونا

ف2:ماانتم ممكن تمنعونا

داسلام:ازاى.... وانتم دايما بتحطمونا؟

ف1ف2:ادونا الامان علشان نرجع لاولادنا واحنا نقول كل حاجه من غير تقصير

الدكاتره :ماشى الكلام لوكان بالتمام والكمال

د :وبشرط ناخد وعدمنكم مايكونش فيه اصابات تانى

ف1:ممكن

د :اتفضل قول

ف1:لازم تعرفوا اننا زيكم يا بنى ادمين ..

د :زينا ؛..زينا ازاى وفى ايه؟

ف1:مثلا وانت رايح المدرسه بتركب الاتوبيس

د :مظبوط

ف2:احناكمان مش بنتحرك الاباتوبيس

د :دول باين عليهم فاضيين ....وللوقت مش واعيين ...احنا لازم نعدمهم فى الحال

ف1:لاارجوك هقول على طول انا فيرس مسئول عن الانفلونزا وبصيب الانسان و

بسبب له الرشح والزكام ولسه متجوزتش كمان

د : بتقول ايه؟

ف1: لامفيش انا بقول انى بتحرك كتير وطرق اصابتى للانسان هى العطس...مع

كل عطسه من انسان مريض بطير فى صوره رزاز واركب ذرات الهوا

واروح لغيره وغيره من الناس الى مش محافظين وبكده بدل الواحد بصيب

عشرين

د :طيب والعمل معاك ايه؟.....وازاى نتفاداك؟

ف1:اولا علشان تحدمن الاصابه شئ بسيط ما يكلفش العاقل منكم شئ كبير.......

منديل على الاقل يوضع على الفم عند كل عطسه خصوصا فى اماكن الزحام

د :طيب والادويه مالهاش تاثير؟

ف1:انتم بتصنعوا ادويه بتسموها مضادات

د :ايوه ده صحيح... دى مركبات كيميائيه تنتجهاكائنات حيه دقيقه توقف نمو

الكائنات الدقيقه التى تسبب المرض

ف2:ده صحيح..لكن فيه ناس كتير بتاخدالمضادات بدون اذن الطبيب بياخدوها

عمال على بطال وده طبعا بيسبب ضعف فى المناعه الطبيعيه ضد الميكروب

الى هو انا علشان كده بيتعرض المريض للعدوى بنفس المرض مره تانيه

وبعد فتره قصيره من شفائه

ف1:والاسراففى المضادات يؤدى الى ظهور سلالات من الميكروب بتقاوم المضاد

الحيوى وبكده بيكون العلاج مالوش تأثير

د :لكن احنا بننصح باستعمال المضادات بجرعات احنا بنحددها

ف1:كلام جميل ...لكن تقول لمين

د :ها وبعدين..كمل

ف1: اهم نعمه من فضل الرحمن المناعه الطبيعيه ودى خلايا الدم البيضا وهى دى

اكبر عدولينا لانها بتبلع الصغيرمنا والكبير

(للجمهور) لبن الام ...السرسوب فيه كل الغذا والمضادات اتغذى كويس...

نام كويس ...ارتاح .....لكن اسمح لى يا دكتور انتم يا معظم الناس بتضعفوا

المقاومهدى بشربكم للمخدرات..وفوق كل ده التدخين لاننا بكد بنكون فرحانين

د :سبحان الله ..كل ده واحنا مش عارفين ........الحمدلله

د :طيب وانت مش نسمع منك باقى الكلام.... أنت مين؟ وبتسبب ايه؟

ف : تخصصى انا رمد عيون

د : ازاى؟

ف :طرق انتقالى هى الذباب والبعوض وكمان اهمال بعض الممرضات

د : يعنى ايه؟

ف :انا اتعلق فى رجل ذبابه تقف على عين واحد مش نضيف يادوب ...توصلنى

لهناك والباقى على العبد لله وكلها يوم او يومين وعينه تروح منى فين

د :وانت يا غلبان

ف اخر:انا بقى تخصصى كل شئ داخل جسم الانسان من كبد لطحال مش لوحدى

لا...ربنا يخلى اخواتنا الممرضات ...الله يخليهم لينا ويبارك يارب فيهم دول

من حقنه تطلع من ذراع مريض الى واحدتانى سليم ..اقوم انا بالازم

ومن دم ملوث لشخص سليم برضه مافيش مانع ..مابستناش

د :الله....طيب والعمل معاك ايه انت كمان؟ انت باين عليك غلبان

ف اخر:اخويا قال لكم عن المناعه الطبيعيه فى جسم الانسان الى من صنع الخالق..

فيه بقى مناعه مكتسبه

د :دا صحيح ..لما الانسان يصاب بالمرض الجسم بيعمل اجسام مضاد ة للميكروب

نفسه وفيه حاجه تانى

ف :لا....لا..........ايوه........لا

د :ايه هو الى ايوه ولا فيه ايه تانى (تدخل ممرضه فرحانه)

الممرضه:خف يا دكتور ...خف عم حسين خف..اصله كان واخد تطعيم

د :انتم خوفتم ليه

الفيروسات:اصل ...اصل........

د :اصل ايه...... اتكلموا والا.........

ف :اصل.....اصل... الحقيقه ان التطعيم باللقاح مع انه بكتيريا ضعيفه اوميته لما

بتدخل الجسم خلايا الدم البيضا بتكون اجسام مضاده تفضل فى الدم فترة

كبيرة علشان كده بتقاومنا احنا يا فيروسات اذا تكرروترض الانسان لنفس

المرض.

د :طيب ده اللقاح ..والمصل بيعمل فيكم ايه؟

ف :مع ان المصل مضادات سموم جاهزه

د :ايوه فعلا المصل هواننا بنحقن حيوان زى الحصان بالميكروب بعد كده

نسحب دم الحيوان ونستخلص منه المضادات من بلازما دم الحصان

مع العلم ان المصل بيعمل على رفع نسبه المضادات فى دم الانسان وكمان

اثره بيظهربسرعه على عكس اللقاح علشان كده احنا بنستخدم المصل فى

مقاومه الاوبئه

(يمسك الدكتور بالفيروسات)

الفيروسات: انت ناوى على ايه يا دكتور؟

د :هنشوف كلامكم صدق ولا كدب؟

ال ف : ازاى

د : ازاى؟ (يتجه ناحيه غرفه مكتوب عليها حرق نفايات)

الفيروسات: (من داخل الغرفه) لالا..لا ارجوك........لالالالالالالالالالالالالا

د : للجمهور متفتكروش اننا خلفنا وعدنا ولا احنا ظالمين ....لا ....دول هما

الى ظالمين ...لانهم متطفلين بيعيشوا ويتكاثروا على حسابنا وبيسببوا الامراض لينا

د :وعلى فكره فيه كتير غيرهم على كل شكل ولون

د :ومش ممكن هنقضى عليهم الالواخدنا بالنا كويس من نفسينا

د :اهم شئ .... النظافه فى الاكل والشرب

د : وناخد التطعيمات اللازمه فى ميعادها

د :عدم استعمال ادوات المريض

د :واخيرا التمسك با لدين والعادات السليمة

وربنا يبعد عنكم الفيروسات يا حلوين

****** تأليف \ على طة اسماعيل نصار******

على طه اسماعيل غير متواجد حالياً  
موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

SEO by vBSEO 3.6.1

الساعة الآن 06:14 PM


Powered by vBulletin® Version 3.8.9 Beta 2
Copyright ©2000 - 2014, vBulletin Solutions, Inc.
Adsense Management by Losha
Ads Organizer 3.0.3 by Analytics - Distance Education
Ad Management plugin by RedTyger