Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Armco FX هي شركة وساطة واستثمار عالمية مرخصة ومتخصصة في أسواق المال العالمية.
العسل الحر


الشعر الشعر

موضوع مغلق
المطالب السبعة اروع قصيدة1
المطالب السبعة اروع قصيدة1
قديم منذ /14-12-2010, 09:59 PM   #1 (permalink)

عضو جديد

خالد حرب غير متواجد حالياً

 رقم العضوية : 632998
 تاريخ التسجيل : Dec 2010
 المشاركات : 14
 النقاط : خالد حرب is on a distinguished road

افتراضي المطالب السبعة اروع قصيدة1

من أجل التغيير المصري
وعشان نرجع زي زمان
أمة عظيمة وشعبها أصلي
كلمتنا تهز الأكوان
بمطالب سبعة هنطلبها
من أجل كرامة الإنسان
دا المصري من أمة عظيمة
معروف على طول الأزمان
ومفيش مطلب أبدا حصري
كله هيتذاع بالمجان
مطلبنا الأول وضروري
وعشان نبقى نعيش في أمان
نلغي قانون كان غير دستوري
خلى الشعب خسيس وجبان
بطوارئ طارئ ورا طارئ
تلاتين طارئ شغل جنان
طرقوا دماغنا وكتفوا ايدنا
وكبلوا رجلين الإنسان
خلوا البعبع جوه قلوبنا
قفل وزنزانة وسجان
طالبين لجل الله تلغوها
كده مش عدل رحيم رحمن
جتلك فرصة ترضي المولى
وتقول لأ للظلم كمان
============
خد عندك آدي مطلب تاني
في انتخابات صلصة بدنجان
مش عايزينك انت ياقاضي
تشرف على أيتها لجان
ويسيبوا القصة برمتها
إشراف الناس الجدعان
أقصد جدعان بالنسبه لهم
بالنسبه لنا يبقى جبان
اللى نجح قبلها في المجلس
بالتزوير والرشوة كمان
ممكن يعمل أى مصيبة
ويقفل صناديق ولجانوينجح بني آدم تافه
ويسقط أشرف إنسان
واحنا منعرفش غير القاضي
للعدل وظبط الأوزان
طالبين يرجع يشرف تاني
ويوزن لانتخابات بمزان
ويكيل بالمكيال الأوفى
لحسن دا الكيل بقى طفحان
==============
وف مطالبنا كمان هنقول
شفافية نزاهة على طول
مطلبنا التالت يخواننا
مطلب جامد وبن أصول
علشان لانتخابات نضمنها
نتيجة ميعلنهاش مسطول
مستني تليفون من أعلى
أو إس إم إس عالمحمول
ساعتها هيعلن أي نتيجة
أرقام هبلة ماهو مهبول
عايزين المجتمع الدولي
يراقبهم ويكون مشمول
بالرجالة الشرفا بتوعنا
ويخلوا القسطاس معدول
ويخلوا العملية نزيهه
والتزوير مشنوق مقتول
دا الحكمة ضالة المؤمن
لو يلاقيها أكيد مسئول
هو الأولى إنه ياخدها
هو الأفضل والمفضول
والمجتمع الدولي يراقب
علشان لاكتع والمشلول
عمره مايبقى أمين على أمة
واللي هاييجي يكون مسئول
ميزورش إرادة شعبه
ولأعدائنا يكون دلدول
والمجتمع الدولي بيعدل
زي ما كان فيه حلف فضول
==============
وف مطلبنا الرابع قلنا
إن الإعلام يبقى محايد
مش واحد يعلن عن نفسه
والتاني مش لاقي جرايد
يعلن حتى عن اسمه ورسمه
ووزير الأعلام مش رايد
خلى الإعلام يومها يهيس
تليفزيون وإذاعة وجرايد
تهتف بسم العضو السامي
إبن البطة البيضا الحلوة
إللي بياضها دايماً زايد
قاعد نايم جوه المجلس
ولا عمره لقانون بيعارض
هو موافق طبعاً دايماً
والتسقيف بقى عالي وجامد
ضيع حق الدايرة بتاعته
اللى معندوش دم وبارد
اللي يمثل دايرة بحالها
عمره ما وفى بمطلب واحد
----------------------
والتاني بن البطة السودا
علشان الأمن مالوش رايد
قافل كل الدنيا فى وشه
علشان هو هيبقى معارض
هو هيقعد تحت القبة
ولقوانينهم دايماً رافض
علشان هيه مش شرعية
وضد الدين متعمد عامد
حتى فراشة الحاج فيشاوي
كراسيها متنزلش تساند
أي مرشح مش عايزينه
لازم يفضل فى البيت قاعد
علشان يبقى يرشح نفسه
وميسمعش كلام ويعاند
عايز ينجح؟ على جثتنا
لازم يفضل ساقط ساقط
---------------------
ليه الإعلام ميكونش محايد
علشان نفهم إيه بيتقال
ده الإعلام لويعدل بينهم
يبقى حقيقي جهاز فعال
يومها هيفهم أهل الدايرة
مين هيكون هو الشيال
مين هيرجع أم الدنيا
فخر وعزة للأجيال
يقطع إيد كل إللي سرقها
وكل حرامي أومحتال
باع فدان الأرض الطاهرة
بنص جنيه أو خمسة ريال
===========
وف مطلبنا الخامس أخويا
فى السعودية هناك شغال
والتاني راح خد تقشيرة
يكون نفسه فى السنغال
والتالت راح يدرس برة
قال إيه راح يدرس أحوال
أحوال الكورة الأرضية
اللي الكون ميلها ومال
ميلها يمة أعدائنا
وبقينا للكون أزيال
أزيال الخيبة بتجمعنا
وبذل سلامنا الفعال
بعد ما كانت أم الدنيا
إتلموا عليها الأندال
أولاد العم اليهودية
والحرامية ولاد الخال
أصل دهيه برضه وليه
وعيالها أهو لسه عيال
ملهاش راجل يحمي جسدها
من نهش وحوش الأدغال .
===
بس حقيقي مسيره هيرجع
م السعودية وم السنغال
واللي بيعمل أبحاث بره
مسيره يكون له بيت وعيال
ده عامللي توكيل عام رسمي
فى البيت والغيط والأموال
يبقى حقيقي صحيح من حقه
يدلي بصوته زي ما قال
مطلبنا الخامس يا خواننا
مطلبنا الخامس فعال
=============
مطلبنا السادس للأمة
مطلب غالي وعال العال
من أجل ما نضمن لوطننا
تطوير أجيال ورا أجيال
لازم تبقى رئاسة الدولة
فترة إتنين والتالتة محال
ونقوله شرفت يا ريس
فترة حكمك كانت عال
اتمتع بنزاهتك بيننا
في القلب وفي العين تتشال
عيش على راحتك
دا إنت ف بلدك
ومتنساش تبعت مرسال
نسمع رأيك دايماً رأيك
كان حيوي وجميل فعال
شكراً إدي الفرصة لغيرك
للتطوير أجيال أجيال
------------------
وف نفس المطلب طالبين
إن أنا وإنت وعيد وبلال
والحاج محمد متولي
راجل للإسلام شغال
لما يروح ويرشح نفسه
مش هيلاقي قيود أغلال
هيقوم له المسئول ويرحب
أهلاً مرحب بابن الخال
ترشيحك ف زمام دايرتنا
مكفول في جميع الأحوال
بقانون دولة يحمي نزاهتك
لوكنت فئات أو عمال
نورت المكتب يا سعادتك
أوراق ترشيحك تتشال
جوه القلب وجوه النني
دي أمانة وخيانتها محال
والشعب هيختار الصالح
والطالح يسقط في الحال
============







 

المطالب السبعة اروع قصيدة1
قديم منذ /14-08-2011, 09:37 AM   #2 (permalink)

عضو جديد

خالد حرب غير متواجد حالياً

 رقم العضوية : 632998
 تاريخ التسجيل : Dec 2010
 المشاركات : 14
 النقاط : خالد حرب is on a distinguished road

افتراضي

جزاك الله خيرا








 
المطالب السبعة اروع قصيدة1
قديم منذ /11-09-2011, 09:07 AM   #3 (permalink)

عضو نشط

SسموالاميرهS غير متواجد حالياً

 رقم العضوية : 727208
 تاريخ التسجيل : Sep 2011
 الجنس : ~ MALE/FE-MALE ~
 المكان : المدينه المنوره
 المشاركات : 105
 النقاط : SسموالاميرهS is on a distinguished road

افتراضي

يعطيك العافيه








 
موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

جامعة نجران

Ads Organizer 3.0.3 by Analytics - Distance Education
الساعة الآن 06:22 AM

  • روابط هامة
  • روابط هامة
LinkBack
LinkBack URL LinkBack URL
About LinkBacks About LinkBacks

SEO by vBSEO 3.6.1