Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Armco FX هي شركة وساطة واستثمار عالمية مرخصة ومتخصصة في أسواق المال العالمية.
برنامج مدرستي نت - عصر التحول الرقمي
العسل الحر

منتديات الشريف التعليمية

المنتدى العام يمكنكم في هذا القسم المشاركة في كافة المواضيع التي تهم التعليم وغيره

موضوع مغلق
قم للمعلم وصطره تصطيرا *** كاد المعلم أن يموت تمحيطا
قم للمعلم وصطره تصطيرا *** كاد المعلم أن يموت تمحيطا
قديم منذ /30-09-2003, 01:29 PM   #1 (permalink)

عضو جديد

عماد القباني غير متواجد حالياً

 رقم العضوية : 23784
 تاريخ التسجيل : Sep 2003
 المشاركات : 3
 النقاط : عماد القباني is on a distinguished road

افتراضي قم للمعلم وصطره تصطيرا *** كاد المعلم أن يموت تمحيطا

وخلصت الاجازة الطويلة
وجت العودة للمطارس
وبمناسبة العودة للمطارس
ودي اذكركم ببيت شعر كانوا المدرسين اول يقولونه لنا عشان نقدرهم ونحترمهم
لكن ها الحين معاد يقولونه الظاهر يستحون او يخافون

المهم البيت الشعري الله يرحم قايله ويرحم اموات المسلمين اجمعين

قم للمعلم وفه التبجيلا *** كاد المعلم ان يكون رسولا

طبعا اكيد كلكم تعرفونه (( ما يعرفه بس تسنه سامع ان البيت لمستور العصيمي او حبيب العازمي نقره لعرض الصورة في صفحة مستقلةنقره لعرض الصورة في صفحة مستقلة ))

ها الحين قليل من المدرسين يقوله للطلبة والسبب انه خايف يتفشل او ينقز في وجهه واحد من ها المبزرة ويقول ما يخسى الا انت من انت عشان نحترمك تراك مثل شغالتنا بس الفرق ان شغالتنا ما تحط اختبارات وانت تحط اختبارات نقره لعرض الصورة في صفحة مستقلة

فيقولون ان البيت عقب الحياء والخوف اللي لصقوا بالمدرسين
صار ها الحين

قم للمعلم وصطره تصطيرا *** كاد المعلم أن يموت تمحيطا

وترى هذا هو الصدز
من يوم منعوا الطق في المدارس والدعوى مسوفلة ومدحدرة

إذا كان الرسول صلى الله عليه وسلم أقر بالضرب وجعله أحد الحلول لتربية النشء المسلم
في حديث الحث على الصلاة (( مروا ابنائكم بالصلاة لسبع واضربوهم عليها لعشر )) أو كما قال صلى الله عليه وسلم
نجي انحن ونمنعه ونقول ياويل اللي يطق ترى بنفص جرانه ونفصله

بالله عشقوا الريويس وارجعوا ورى شوي وتذكروا المدرسين اول كيف كان لهم هيبة في المدرسة وخارج المدرسة
الطالب اول يحترم المدرس سواء في المدرسة او في الشارع

فتلقى البزر اول ما يسجل في المدرسة
معه وصية من ابوه تقول (( لكم اللحم ولنا العظم )) يعنوا ربوه تمام وعلموه تمام ولا تشيلون همنا

لكن ها الحين يجيك البزر للمدرسه ومعه ابوه ومعه خيشة مليانة بسكوت وبطاطس وتويكس وعصير البقرة المستانسة ثم يقعدون يدلعونه اسبوع عشان يرغب المدرسة
(( والنهاية اذا وصل سادس جاء لابوه وبدون حياء وقال يبه تكفى ابي خمسة اريال ابشتري تتن ))

وانتبه يا المدرس تلغاه او تقول له شيء عشان ما يضيق خاطره ويتكدر ويقول هونت ما ابي ادرس ثم يصير يكرهك يالاستاد (( مالت عليك وعلى ام جابتك )

الا تله باذنه وجبه للمدرسة وانطله ومن قبل ما يروح للمدرسة وانت مفهمه ومعوده على انه بيروح للمدرسة اللي ما فيه لا دلع ولا خرابيط ما فيها الا دراسة وكتابة واحترام المدرس

المهم ان بداية تعويد الطالب عندنا على تصطير المدرس تبدى مع دخوله للمدرسة

وإذا وصل سادس بدى بتدرب على الرد على المدرس بوقاحة وعدم احترام والقهر ان المدرس يدرعم براسه ويطمنه تحت ويحاول انه يهديه (( لكن لو العصيه موجوده من اولى ابتدائي كان ما شفت ها البزر ينفخ )

وإذا وصل المتوصط ووصل سن البلوغ جتك عاد العفرتة تلقاه اما يتتريق على المدرس او يقعد ينافخ عليه وراك تكثر الواجب او تصعب الاسئلة وقسم بالله يا استاد لو جت الاسئلة صعبة لاشكيك على المدير واقول انك تنفخ على الطلبة وتصطرهم
ثم يقعد يتحببه الاستاد لا تكفى الله يرحم والديك خلاص ابجيب لكم اسئلة سهلة وابحذف عليكم الدروس الطويلة وكل الاسئلة صح وخطأ بس المهم لا تزعلون علي

والدليل ها الحين كل اسئلة المواد في جميع المراحل اجابتها على ورقة الاسئلة لان تلاميذنا تعودا على الاجابة بوضع الاشارة في المكان الفاضي

المهم يوصل الطالب المرحلة الثانوية
والمرحلة هذي هي اللي فيها تبدى بذرة اسبوع التمهيد بالانتاج

بعد التهديد والنفخ وطوالة اللسان
وصلنا لمرحلة الطق والجلد والتكسير وابن امه اي واحد من المدرسين يرفع خشمه او يروح يشتكي
اول وفي الثانوي تخيل تلقى المراقب واقف عند باب المدرسه وفي يده خيزرانة عشان اللي يتأخر عن بداية الدراسة يصف على جنب وياخذ له كم عصا على يده
او تلقى المراقب يتمشى بين الاسياب ولا يلقى طالب في السيب الا وسائله وش مطلعك من فصلك ؟؟؟ فتحصل الطالب يدرعم براسه ويقول والله يا استاذ المدرس مروحني اجيب مساحة من الفصل اللي جنبنا =====>> يالله بسرعه جبها وارجع لفصلك على طول

لكن ها الحين اذا شاف طالب طالع من فصله
يوقفه ويقول
لو سمحت يالشيخ سلامات عسى ما شر وش بلاك طالع من الفصل عسى منتب مصيخين تبي ورقة للصحية او نوديك للتختور =======>> لا ابد ما فيني شيء بس ضاق صدري من الحصة وطلعت اشم شوية هواء عندك مانع ======>> لا ابد سلامتك الله يوسع صدرك بالعافية

المهم ان جيل الثانوية عندنا بسم الله ماشاء الله عليهم
تكسير سيارة الاستاد اسهل منها مافيه وعشان تسذا تلقى مدرسين الرياضيات والانقليزي والمواد العلمية يجون للمدرسة في لموزين ما لقاها الا مدرسين الجغرافيا

المهم ان المدرس ها الحين اول ما تبدى الدراسة ويدخل على الطلبة تلقى الطلبة يرحبون فيه بالبيت الشعري

قم للمعلم وصطره تصطيرا *** كاد الملعم أن يموت تمحيطا

سبحان من يغير الاحوال ولا يتغير
اول اي طالب يخطيء على مدرس او يضرب مدرس تلقى على طول تشهير به في جميع المدارس وتلاوة بيان فصله في الطابور الصباحي
لكن ها الحين اي مدرس يمارس تأديب طالب انحرف عن الطريق فإن عقابه يتلى على جميع المدارس ويلصق على جميع جدران البقالات جنب دعاية لبن المراعي وبسكوت مينو نقره لعرض الصورة في صفحة مستقلة

والله يخلف علينا وتقولون ليه بعض شبابنا منحرفين
التأديب والتأديب منع من المدارس فخرجت اجيال منحرفة

ترى عاد مهوب تشوفون ها الحتسي وتقولون هذا بس يبي الضرب يعود على عماها وبس
لا ثم لا ثم خيشة مليئة بـ (كلاَ ) انحن (( وش رايكم في مفردة انحن )) نبي الضرب اللي ما يضر وفي نفس الوقت يخلي الطالب يعرف قدر واحترام المدرسين والمدرسة ولا احد ينقز ويقول لي فيه عقاب بدال الضرب وهو الحرمان من مميزات في المدرسة او خصم درجات لو ها العقاب بينفع وبيصير العلاج السنع كان علمنا رسول الهدى صلى الله عليه وسلم

__________________-
حفظا لحقوق الكاتب
فالموضوع منقول من احد المنتديات







 

قم للمعلم وصطره تصطيرا *** كاد المعلم أن يموت تمحيطا
قديم منذ /30-09-2003, 03:47 PM   #2 (permalink)

عضو نشط

جمري غير متواجد حالياً

 رقم العضوية : 22960
 تاريخ التسجيل : Sep 2003
 المشاركات : 111
 النقاط : جمري is on a distinguished road

افتراضي

يا خوي ياخوي انت وش بلاك

صحيح ان الهيبة راحت بس مو لهالحد انا درست في ابتدائي ومتوسط وثانوي بس والله ما شفت اي شيء من اللي انت ذكرت بالرغم ان المتوسطة تعد من اشرس المدارس بس والله ماشين كويس والحمد لله كل الامور زينه








 
قم للمعلم وصطره تصطيرا *** كاد المعلم أن يموت تمحيطا
قديم منذ /30-09-2003, 07:20 PM   #3 (permalink)

عضو نشط جداً

ساري التعليم غير متواجد حالياً

 رقم العضوية : 18509
 تاريخ التسجيل : Aug 2003
 المشاركات : 273
 النقاط : ساري التعليم is on a distinguished road

افتراضي

[ALIGN=CENTER]حلوة....

اقتباس خفيف دم اخ عماد يخفف شوى من المواضيع الجادة

والكئيبة التى يزخر بها التعليم

روحو عن قلوبكم خاصة وانه جزء منها قريب من الواقع ,,,,
[/ALIGN]








 
موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
اليوم العالمي للمعلم ( إذاعة مدرسية . مطويات للمعلم والمعلمة . منشورات ) حاتم9 منتدى النشاط المدرسي 112 22-12-2012 02:52 PM
سجل متابعة وكيل المدرسة للمعلم للتأكد من متابعة المعلم الأعمال التحريرية للطلاب anafahad منتدى الادارة المدرسية 7 01-02-2012 10:53 AM
مجلة المعلم بمناسبة اليوم العالمي للمعلم التوت البري منتدى النشاط المدرسي 43 28-10-2010 01:40 AM
يموت المعلم تحيا الوزارة برنجاوي المنتدى العام 3 25-04-2008 04:35 PM
المعلم والمسح وتقدير الإدارة للمعلم أبو دجانة منتدى مادة التاريخ 2 08-10-2003 06:46 PM

جامعة نجران

Ads Organizer 3.0.3 by Analytics - Distance Education
الساعة الآن 06:49 AM

  • روابط هامة
  • روابط هامة
LinkBack
LinkBack URL LinkBack URL
About LinkBacks About LinkBacks

SEO by vBSEO 3.6.1