منتديات الشريف التعليمية دموع الرجال تهز الجبال - منتديات الشريف التعليمية

إعـــــــلان

تقليص
لا يوجد إعلان حتى الآن.

اعلان ادسنس متجاوب

تقليص

دموع الرجال تهز الجبال

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • دموع الرجال تهز الجبال

    ده يا ساده يا كرام صلو على النبي الانام

    فراش مدرسه ضاقة عليه الحال راتبو 1300 ريال

    كبرت عليه المسؤليه راح لمديرة المدرسه وقالها :- والله عجزت عن المصاريف وطلبات العيال........

    ديه تبكي ما تبغه تروح المدرسة إلا مريول جديد

    وده صندلو مقطوع

    وده توبو مشقوق

    والرابع ما يبغه يروح من غير مصروف يشوف اصحابو يشترو وهو ما عنده

    وضاقت عليه الارض من طلباتهم وما عرفت الفقر إلا بعد عيالي

    ودي اجبلهم بس إيش اسوي العين بصيرة واليد قصيرة

    ياريت تحاوليني لمدرسه تاني اخلي الحرمه تشتغل فراشه ويد على يد تساعد

    بكي قدامها وصعبت عليه نفسو

    يتشكي لحرمه غريبة ويستعطفها عشان تساعدو

    وياعالم يوافقو ولا ما يوافقو على نقلتو وكم حيعطو لمرتو لو اتعينت لو طقتها الحُمه ما يزيد 800 ريال بس هو تفرق معاه
    والله بعد ما سمعت قصتو جيت أحط نفسي في مكانو خبلت ما جات معايه

    ده راتبو ما يجيب قيمه فستان


    حابه اسوي ميزانيه للطلبات المدراس واشوف كم تكلف

    طلبات بنتو قيمتها
    مريول نقول مريولين عشنا لو اتفرطت سستة واحد تروح في تاني 100
    جزمه 25
    شنطه 37
    شرايط وشراريب والقبة والبكلات 40
    الدفاتر 12
    الاقلام والتشاكيل وكراسه الخرايط واغراض الفني واغراض التفصيل واغراض التدبير 70
    عباية وطرحه 70
    مصروف يومي 60
    المجموع 414
    يااااااااااااااااااااااااااااالله وربي ما تجي نشوف العيال

    طلبات العيال قيمه
    توب وشماغ وسروال وطاقيه وفالينا 120
    بدله رياضيه 50 إزا كان الاتحاد لو كان البرازيل نضرب القيمه
    بوت رياضي 25
    تليك 15
    دفاتر والاقلام والشنطه 50
    المجموع 260 *3 =780
    طيب الطلبات كلها تجي
    414+780= 1194 ريال

    يعني الباقي من الراتب 106 ريال

    ديه فيها ميزانيه البيت وكمان ميزانيه رمضان وغير فواتير الكهرباء وتلفون والمواصلات

    من الميزانيه ديه ابغه كل واحد يقرأ المقالة يحط نفسو مكان الرجال ده

    يقول ايش الحل في نظركم ؟ يسرق ولا يشحت ولا يهرب

    ودمعه الرجال ديه ايش تسموها ؟

    يعلم عيالو ولا يحرمه من تعليم ؟


    يارب بجاه حبيبنا محمد لا يحوجنا ولا أياكم لأحد من

    عبيدو ويجعلنا منفعة للمسلمين قول امين

    انا إلي زاد حرقت قلبي في الموضوع ده انه في واحده كانت تسمع القصه

    معايه قالت بلاش يعلم بزورة إزا هو ما عنده

    وبلاش ياكل لحمة يبدلها بالحب وشعير إزا هو ما عنده

    عارفين كنت حابه انط في رقبتها بس صليت على النبي وسكت عشان

    ساعتها لو اتكلمت كنت خرطتها زي الملوخيه

    يا هوه يا عالم هي الرحمه اختفت

    ولا القلوب سارت حجر

    ناس تشرق وتغرب وكل مكان تروحلو ومو عارفين من الخير إلي هما فيه ايش معنى الحاجه ؟

    وتجي على الغلبان نستخسر فيه كل حاجه

    ترى الدهر قلاب زي الدولاب

    يا جمااااااااااااااااااااااااااااااااااعة ابغه رايكم ؟

    م ن ق و ل

  • #2
    صدق الفاروق رضي الله عنه عندما سطر للتاريخ مقولته المشهورة

    ( لو كان الفقر رجل لاقتلته )

    ان الفقر مذله ومهزله لكرامة الانسان

    الفقر امتحان ومحن صعبه

    الفقر قد يوصل للسرقه

    الفقر قد يوصل للقتل

    الفقر قد يوصل لبيع العرض والشرف والعياذ يالله

    اللهم اغننا بفضلك

    اللهم بارك لنا فيما رزقتنا

    تعليق


    • #3
      شكلوا الموضوع ما عجبكم ولا اللي فوق ما يشوف اللي تحت

      تعليق

      اعلان جامعة نجران ينتهي في 11-05-2019

      تقليص
      يعمل...
      X