منتديات الشريف التعليمية الدجـــة في الأسواق >> خاصة خلال رمضان .. - منتديات الشريف التعليمية

إعـــــــلان

تقليص
لا يوجد إعلان حتى الآن.

اعلان ادسنس متجاوب

تقليص

الدجـــة في الأسواق >> خاصة خلال رمضان ..

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الدجـــة في الأسواق >> خاصة خلال رمضان ..

    الـدجــه بالأسـواق في رمـضــــان
    ________________________________________
    بسم الله الرحمن الرحيم
    أولا" رمضان مبارك عالجميع والله يفتحلنا باب الرحمات ونكون من العتقاء من النار .... اللهم آمين

    حبايبي حبيت اناقش معكم موضوع يمكن محد فطن له كثير (( أسم الله علي فطينه )) رغم الأغلبيه يعانون منه ألا وهو (( الدجه بالأسواق )) ..أهااااااااااااا مسكنا طرف الخيط...!!

    الحين منتم ملاحظين معي أن البنيات ماشالله ماينتهي وقت الفطور ألا وهي قاضبه الباب ((على وين ؟؟ )) عالسوق طبعا"(( والعذر))
    1/أبي أسوي رياضه <<<< عذر ماله داعي
    2/أبي أشتري مقاضي العيد<<<< نوعا" ما عذر شرعي بس فيه شكه
    3/حتى لو مامعي فلوس أروح أشوف وش نازل جديد يمدحون زارا وإيتام <<<أدهى الأعذار


    وغير كذا اللي يقهرك ويفقع مرارتك انك ساعة ماتدخلين مصلى السوق كنك داخله مصلى العيد [ميك أب واكشخ لبس وأقدع عبايه ] وإذا نصحتيها شبت فيك واكلتك بعيونها وبعد شوي مايجيبك الا صوتها جنب محل اكسسوارات تصيح [حيواااااااان قليل أدب رقمني والله .. الله ياخذه ويبليه بخواته عمىىىىىىىىى ]


    الحمد لله والشكر وش اللي حادك وانا اختك لو قعدتي بالبيت استرلك وراك مواعين وتراويح وتهجد وسحور وهه أن قدرتي تشوفين إعادة طاش .
    وغير كذا إنها تبلط بالسوق من بعد الفطور الين حزة السحور وترجع بكيس والا اثنين واحيان الله يخلف ماترجع الا بساندوتش والسالفه عن ذاك الأطخم اللي ضحك لها عند السواني .... واذا احد سألها ليه ماشريتي شي ؟؟ قالت : زحمه ومافيه شي حلو وبكره ينزلون بضاعه جديده (( تمهيد لموال بكره )) والمسيكينه عقب ماترجع للبيت عظامها ماتشيلها (( زين انها طلعت الدرج )) وتطيح على خشمها تدور باقي الفطاير وعصير التوت وهاتك يانوووووووووم الين العصر


    وعلى فكره الشهاده لله موكل البنات كذا هذا الصنف يسمونه [عاشقات الاسواق ]وهذا الصنف لو يخيرونها بين مستقبلها والسوق قالت السوق السوووووق السووووووووق .


    والصنف الثاني يسمونه [عاشقات التلفزيون]دايم متسمره قدامه وماتبي تتحرك عشان ماتفوتها الحلقات وزد على ذلك المطامره بين المحطات ... لنا حديث عنهن ان الله احيانا .


    أما الان ... نلزم طرف الخيط الثاني وهم اهون شوي من بنات الحلال من ناحية الوقت حيث انهم يتبعثرون وينبعثون عقب صلاة العشا مو عشان شي (( عشان النوم اللي طارحه))وياسلااااااام تبداء الجوله [الدجـــه] حيث أنه يشري مسبحته من المملكه ويطير للخبر عشان يشري من الراشد وانتم بكرامه جزمته ويمدحون له خوياه الشراريب اللي بجده (( ومايكذب خبر )).
    ويصير رمضان العشر الاوائل منه بالرياض والوسطى بالخبر والاواخر بجده .... وكل جزء له صولات وجولات
    واللي يفقع البنكرياس والمراره وبنات عمها انه لاراح السوق تقال معرس الله يالعطاير و البخوور وتحفيف الشنب وتنظيف الوجه ناقصه البشت ..
    طبعا" هالكلام ماجا من فراغ لأن عندي نموذج((أحد أخوتي الموقرين )) والله مايأخرنا عن السوق غيره ... يروح يتروش ثم يتبخر ثم يتعطر ويتسمر قدام المرايه ساعه الا ربع وحنا مانفتح فمنا بكلمه نخاف يهون ... ولارحنا السوق ماتشوف عينك غير الذوق ماكنه لاعن خيري عالفطور عشان الشوربه .


    المهم مايتكلم غير بذوق وحنيه (( ماهو اخوي اللي أعرفه )) والعين كنها رادار لو وحده عطست نقز .
    واخوي ماهو الا نموذج بسيط من نماذج أخرى صعبه .
    وأخيرا"


    مايجي نهار العيد الا البنت اللي وزنها 57 رايح 45 والملابس اللي شرتها اول الشهر يبيلها خياط .


    أما بالنسبه للولد على كل ذاك التعب (( المطامر بالاسواق )) نهار العيد ينشدون عنه .. تلقون الحبيب راقد أطول لافيه كراعه مايدري وين الله حاطه من كثر الدجه ومن كثر ما افتر راسه ومايقوم غير حزة الغدا هذا اذا قام !!!


    وعيدكم مبارك قبل الزحمه




    تحاتي الخالـــصــة للجميع

  • #2
    لاحول ولا قوة الا بالله
    اللهم اهد بنات المسلمين للخير واعفهم وشباب المسلمين بالحلال
    رحمك الله يا ابا فيصل


    اعجبني توقيع الشيماء فاخذته :D

    تعليق

    اعلان جامعة نجران ينتهي في 11-05-2019

    تقليص
    يعمل...
    X